Aleksandri i çmendur/ Vuk Drashkoviç: Serbët janë të hipnotizuar

Kryetari i Lëvizjes për Ripërtëritjen Serbe dhe ish-shefi i diplomacisë, Vuk Drashkoviç, ka thënë se propozimi i Aleksandër Vulin për anëtarësimin e Serbisë në BRICS është marrëzi që as nuk duhet të merret parasysh. Sipas tij, e vetmja rrugë e arsyeshme për Serbinë është ajo evropiane.

Drashkoviç theksoi se Vulin është një përfaqësues fanatik i politikës së Sllobodan Milloshevicit dhe Mirjana Markovicit në vitet e tmerrshme nëntëdhjetë të shekullit të kaluar, dhe sot ai është njeriu më besnik në Serbi ndaj regjimit në Kremlin.

“Në paraqitjen e kësaj rezolute të çmendur, ai përdor të vërtetën tragjike se sot për shumicën dërrmuese të serbëve në Serbi, në Republika Srpska dhe serbëve në Malin e Zi, se vendet e aleancës së NATO-s dhe Bashkimit Evropian, i gjithë Perëndimi janë armiqtë e populli serb, ndërsa miqtë dhe mbrojtësit e serbëve janë Rusia, Kina, Korea e Veriut, Irani, Siria, Venezuela dhe diktaturat afrikane nën komandën e Vagnerit” –  tha Drashkovic.

Ai shtoi se propozimi i Lëvizjes Socialiste është pasojë e “hipnotizimit” afatgjatë të serbëve nga fushatat dhe veprimet e Vuçiç, shumë akademikëve dhe, siç tha ai, nga e ashtuquajtura elitë kombëtare dhe pothuajse të gjitha mediat.