Alibeaj përjashtoi deputetët, Açka: Jeni në metro?

Deputetja, Flutura Açka e ka quajtur një marrëzi përjashtimin e deputetëve, Oerd Bylykbashi, Agron Shehaj, Tritan Shehu dhe Belind Këlliçi nga grupi parlamentar i Partisë Demokratike.

Në një postim të bërë në facebook, Açka shkruan se deputetët të cilët u përjashtuan i bëjnë nder çdo grupi parlamentar, duke kritikuar vendimin e marrë nga Alibeaj.

“Marrëzia e vogëlsisë A jeni në metro? Oerd Bylykbashi, Agron Shehaj, Tritan Shehu e Belind Këlliçi i bëjnë nder çdo grupi parlamentar”- shkruan Açka në reagimin e saj.