Anëtari i Parlamentit Evropian: Edhe Kosova, edhe Serbia përgjegjëse për dhunën në Veri

Anëtari i Parlamentit Evropian, Klemen Groshelj komentoi tensionet në veri të Kosovës, ndërsa bëri përgjegjëse të dyja palët, si Kosovën, ashtu dhe Serbinë për situatën. Sipas tij politika serbe është duke përjetuar probleme të brendshme.

“Do të thosha që ky është fundi i vendimeve jo shumë të drejta dhe fatkeqe politike, që vijnë nga të dy palët, për fat të keq. Do të thosha që është rezultati që njëra palë, perëndimi, Bashkimi Evropian dhe Shtetet e Bashkuara nuk ishin shumë të vendosur në lidhje me synimin përfundimtar dhe qëllimin kryesor të kësaj lufte në Kosovë dhe në lidhje me zgjidhjen e debateve mes Serbisë dhe Kosovës. Nga ana tjetër, kemi edhe politikën serbe që po përjeton probleme të brendshme. Edhe nga pala tjetër kemi disa probleme në Kosovë për të cilad duhet urgjentisht të gjendet zgjidhje” – deklaroi eurodeputeti

Sipas tij, rezultati përfundimtar i shkaqeve më sipër është dhuna, që është e papranueshme dhe mendoj se të dyja palët, sidomos perëndimi, Bashkimi Evropian dhe Shtetet e Bashkuara duhet të bëjnë presion politik që Serbia dhe Kosova të arrijnë ujdi në tryezë” – u shpreh Groshelj.