Anila Çikalleshi tregon si të jetojmë pa grurë

Kjo sëmundje shkaktohet nga gëlltitja e glutenit, që është një kompleks i proteinave të patretshme në ujë që ndodhen në grurë, thekër, elb dhe karakterizohet nga një numër i madh manifestimesh klinike.

Simptomat e sëmundjes mund të paraqiten në çdo moshë që nga dy vitet e para të jetës kur dhe fillohet ushqimi plotësues.

Simptomat klinike me të shpeshta janë:

• Barkqitja me erë të rëndë ose kapsllëku – paraqitet në mbi 50% të pacientëve

• simptomat e vazhdueshme dhe të pashpjeguara gastrointestinale, të tilla si të përzierje dhe vjellje

• dhimbje dhe fryrje e përsëritur e barku.

• anemi – shpesh e vetmja simptomë e dukshme tek çeliakia mund të jetë anemia rezistente në terapi

• lodhje dhe dhembje koke

• humbje në peshë (por, jo në të gjitha rastet)

• ulçerat në gojë

• humbje e flokëve (alopecia)

• skuqje të lëkurës (pezmatim herpetiform i lëkurës)

• probleme me smaltin e dhëmbëve

• osteoporozë

• depresion

• pubertet i vonuar apo me vonë infertilitetit

• aborte spontane të përsëritura

• probleme nervore

Simptoma të tjera më të shpeshta te fëmijët janë:

– humbje në masën muskulore në duar dhe këmbët

– fryrje barku

– nervozizëm

– mosshtim ne peshë