Aramndo Duka: Rama më dha aprovimin për europianin “Shqipëri – Serbi”, ideja iu duk fantastike

Presidenti i Federatës Shqiptare të Futbollit, Armand Duka ka folur sërish për organizimin e përbashkët të Kampionatit Evropian U-21 në vitin 2027 me Serbinë.

Mes shumë kritikash, kreu i futbollit shqiptar tha se për këtë organizmim ka pyetur dhe kryeministrin Edi Rama, i cili i ka dhënë aprovimin për ta organizuar.

“Edi Rama është kryeministër i vendit, por ai nuk e ka ditur fare kur ne e kemi marrë këtë iniciativën për Europianin.”

“Sigurisht që unë e kam pyetur, sepse për ta organizuar këtë kompeticion duhet edhe miratimi i Qeverisë. Kur e kam pyetur: ‘Ta vazhdojmë këtë bashkëpunim me Serbinë’, më ka thënë: ‘Fantastike’”.

“Serbët do të luajnë në Serbi, ne do të luajmë në Shqipëri dhe të gjithë do të jenë të kënaqur.”