Politike
Argita pasardhëse e Berishës? Roland Bejko: Është ‘non grata’, gafë kur tha se ishte…
![](https://ntv.al/wp-content/uploads/2024/01/10-3.jpg)
Roland Bejko është shprehur se prezenca e Argita Mallteze, e bija e Sali Berishës, kohët e fundit në PD, e ka dëmtuar këtë organizatë politike.
Në një intervistë për Euroneës Albania, ai theksoi se Malltezi është ‘non grata’ duke shtuar se nuk ka asnjë aktivitet politik të spikatur e se çdo gjë e ka fituar me emrin e babait.
Mes tjerash ai komentoi dhe deklaratën e saj ku tha se është shtresë e mesme, duke shtuar kjo është e pafalshme.
“Më vjen keq për Berishën sepse edhe unë jam rritur në PD . Kam qenë 20 vjeç kur kam hyrë në PD. Argita Malltezi, nuk thotë asgjë për mua. Prezenca e saj e ka dëmtuar dhe më shumë atë organizatë politike.
E shoh të pashpresë atë organizatë politike. Argita është ‘non grata’, ashtu siç është dhe babai i vet, e dyta nuk ka ndonjë aktivitet të spikatur politik, e treta nuk ka fituar asgjë vetë në jetë, të gjithë i ka fituar me emrin e babait.
Mund të jetë profesioniste shumë e mirë si pedagoge, por të dalësh të thuash se jam shtresë e mesme, i bie që unë jam në varfëri ekstreme. Kjo është një gafë e pafalshme”- tha ai.
![](https://ntv.al/wp-content/uploads/2022/08/LogoWeb.2-e1644580268739.png)
![](https://ntv.al/wp-content/uploads/2023/12/OledroHot.gif)