Armando Broja drejt Milanit

Transferimi i Armando Brojës te Milani nuk është më vetëm një hipotezë. Trajneri Stefano Pioli kërkon një përforcim në sulm në merkaton e janarit dhe Broja shihet si alternativa e duhur.

Ylli i Kombëtares sonë nuk ka marrë minutat e duhura me Chelsean në Premier League, ku në 12 ndeshje, shumica të nisura nga stoli, numëron 1 gol dhe 1 asist.

Kanë nisur bisedimet e para, teksa marrëdhënia shumë e mirë mes pronarëve amerikanë të Chelseas dhe Milanit është pika kyçe e këtyre tratativave.

Sipas “Corriere dello Sport” kjo do ta lehtësonte operacionin. Mbetet për t’u parë nëse lëvizja do të kryhet në huazim apo në formën e blerjes përfundimtare.

Edhe pse operacioni është në fazë fillestare, të shumtë janë tifozët shqiptarë të Milanit, që do të donin ta shihnin Brojën të vishte fanellën e Milanit.