Arrestohet Durim Bami në Dubai, shoqërohet vëllai dhe shoku i tyre

Autoritetet policore të Dubait kanë arrestuar, Durim Bamin, një personazh i njohur i krkmit në Shqipëri, i shumëkërkuar nga policia shqiptare dhe i shpallur në kërkim ndërkombëtar në kuadër të mega-operacionit “Revanshi”, ose i njohur ndryshe si “Metamorfoza 2”.

Gjitashtu, po i njëjti burim, bën me dije se është shoqëruar në Dubai edhe vëllai i tij, Valter Bami dhe miku i tyre, emri i të cilit ende nuk është bërë publik.

Shoku i dy vëllezërve Bami dyshohet se është pjesë e të njëjtit grup kriminal, dhe që njihet nga të gjithë si “krahu i djathtë” i Roan Brahimi, i cili u ekzekutua disa javë më parë nga një atentat mafioz në Athinë.

Gjithashtu bëhet me dije se autoritetet e Dubait kanë ushtruar kontroll në banesën e dy vëllezërve Bami të cilët njihen si pjesë e grupeve kriminale në Shqipëri.

Burime te pakonfirmuara nga policia pohuan qe vëllzërit Bami janë shoqëruar nga policia e Dubait, por nuk kane informacione te mëtejshme se si është proceduar.

Kujtojmë që në maj të këtij viti në kuadër të përgjimeve të aplikacioneve “Sky ECC”, në shënjestrën e SPAK janë vënë persona të njohur të krimit në vend si Valter dhe Durim Bami, dy vëllezërit Leonard dhe Erlis Duka, Fatmir Hyseni alias Docja apo dy vëllezërit Astrit dhe Altin Avdylaj, pjesë e bandës së Shijakut.

• Kush janë Valter dhe Durim Bami dhe për çfarë akuzohen

Kujtojmë se Durim Bami, Valter Bami dhe Marklen Haka u shoqëruan në polici pas atentatit të kryer ndaj Gentian Bejtjas, atentat ku mbeti viktimë edhe kunati i tij Ramazan Sino, ngjarje e ndodhur në korrik të viti të kaluar.

Durim e Valter Bami dhe Marklen Haka dikur kanë qenë miq me njëri-tjetrin por u prishën pas zhdukjes së Enver Stafukës.

Ata njihen si tre të fortët e Niklës, pasi kanë rekorde të theksuara kriminale në të shkuarën.

Durim Bami nga Kruja është një emër i njohur nga drejtësia, por sidomos nga publiku dhe politika shqiptare. Ai ka qenë dënuar më parë për vjedhje me armë. Bami është i njohur për atentatin e pretenduar nga Tom Doshi.

Për këtë atentat të pretenduar në dyert e Prokurorisë përfunduan të gjithë zyrtarët e lartë të shtetit. Tom Doshi, Mark Frroku dhe Durim Bami u akuzuan për kallëzim të rremë për çështjen e atentatit të pretenduar ndaj Tom Doshit dhe deputetit të PD, Mhill Fufi. Doshi akuzoi në 2015-ën ish-kryetarin e Kuvendit, Ilir Meta, se kishte porositur një atentat për ta ekzekutuar përmes Durim Bamit, kundrejt pagesës 500 mijë euro. Valter Bami është vëllai i Durim Bamit edhe ky një emër i njohur i botës së krimit.

• Si u vra Roan Brahimi në Athinë

Më 9 maj ekzekutohet në një atentat mafioz Roan Brahimi.

Brahimi jetonte në Dubai, nga dhe ku kishte shkuar në Greqi për të festuar pashkët me familjen e tij dhe se mbahej në vëzhgim deri kur dhe u ekzekutua në lagjen Vyronas (Byron).

Në momentin e ekzekutimit, ai ndodhej brenda në makinën e parkuar, një makinë e zezë luksoze – së bashku me bashkëshorten e tij, ndërsa në një distancë jo shumë larg 7 – 8 metra ka qenë djali i tyre i vogël i cili po luante në një park lojërash.

Roan Brahimi i cili kishte ndërruar emrin për t’u maskuar, kohë e fundit, kishte nisur miqësi me grupin e Niklës, veçanërisht me Durim Bamin dhe ishte në kërkim nga policia shqiptare për disa ngjarje të rënda kriminale.

Ka dyshime se ai ka qenë i përfshirë dhe në atentatin e përgjakshëm që ndodhi pranë urës së Tapizës, ku u hodh në erë makina ku udhëtonte Brilant Martinaj dhe miq të tij, më 17 korrik 2022.

Roan Brahimi ishte shpallur në kërkim edhe për terrorin që shkaktuan në një lokal në Zejmen të Lezhës ku u futën të armatosur me kallashnikov duke kërkuar pronarin, ngjarje e ndodhur në vitin 2021. Si autorë të së njëjtës ngjarje, u shpall në kërkim edhe ish-nipi i deputetit të Partisë Socialiste, Rrahman Rraja, Ramazan Rraja dhe Alesio Dobrozi. Më herët në dhjetor të 2020, lokali në pronësi të babait të tij Gjovalin Prendit në Lezhë, u qëllua me breshëri plumbash, por fatmirësisht nuk pati persona të lënduar. Ndërsa në vitin 2014 Roanit, i ishin vrarë në atentat dy djem xhaxhallarësh dhe iu plagos një tjetër./boldnews