Arrestohet/ Marrëdhenie seksuale me 13 vjeçaren

Pogradec/Vihen në pranga 4 shtetas dhe procedohen në gjendje të lirë 2 të tjerë, për vepra të ndryshme penale.

Specialistët për Hetimin e Krimeve në Komisariatin e Policisë Pogradec arrestuan në flagrancë, për veprën penale “Dhuna në familje”, shtetasit L. Ç., 34 vjeç dhe E. Ç., 30 vjeç (vëllezër) banues në Pogradec, pasi kanë ushtruar dhunë ndaj nënës dhe vëllait tjetër të tyre.

Po nga këta specialistë u bë arrestimi në flagrancë i shtetasit H. P., 23 vjeç, banues në fshatin Buçimas, Pogradec, pasi dyshohet se ka kryer marrëdhënie seksuale me një 13-vjeçare.

Gjithashtu u bë arrestimi në flagrancë i shtetasit S. R., 54 vjeç, banues në Tiranë për veprën penale “Kontrabanda me mallra të tjera”, pasi gjatë kontrollit të ushtruar nga shërbimet e Stacionit të Policisë Kufitare Qafë Thanë, në hyrje të Republikës së Shqipërisë, në autobusin që ky shtetas drejtonte, u gjetën dhe u sekuestruan në cilësinë e provës materiale, rreth 75 litra produkt bimor, i ndarë në bidona plastikë dhe një sasi materiali plastik, që dyshohet se S. R. do t’i kalonte pa kryer detyrimet doganore.

Po këta specialistë referuan materialet në Prokurori dhe filloi procedimi penal për shtetasit M. Ç., 32 vjeç, banues në Tushemisht, Pogradec dhe D. H., 43 vjeç, banues në fshatin Balshaban, Tiranë, për veprat penale “Shkatërrimi i pronës me zjarr” dhe “Kanosja”. Nga veprimet hetimore të kryera rezultoi se këta shtetas janë autorë të ngjarjes së ndodhur më datë 25.10.2022, në Tushemisht, ku në lokalin e shtetasit V. B., është shkaktuar zjarr nga 2 shtetasit e proceduar dhe si pasojë janë djegur çatia dhe disa shezlongë të aktivitetit tregtar të shtetasit V. B. Gjithashtu shtetasi D. H., dyshohet se ka kanosur me fjalë shtetasin V. B.

Materialet i kaluan Prokurorisë pranë Gjykatës së Shkallës së Parë Pogradec, për veprime të mëtejshme.