Connect with us

Aktualitet

Australi/ Yjësia përmes fotografit Ari Rex dhe planet që përfshijnë Shqipërinë

Mjaftoi një vizitë si turist në vitin 1998 që Arlind Rexhepaj të braktiste Italinë ku jetonte prej gjashtë vitesh për tu zhvendosur po atë vit në Australi. Sot është një ndër fotografët shqiptarë më të suksesshëm atje dhe fitues i një sërë çmimesh kombëtare e ndërkombëtare dhe njihet me emrin e artit Ari Rex.

Një pasion i kultivuar tashmë profesioni i tij i fotografit dhe siç thotë vetë Ari nuk ia priste mendja se ajo që ishte hobi i tij, do të shndërrohej në shkollim e sot profesion.
Një nga punimet e tij fantastike është blerë për muzeun e përhershëm “Voices” në tavanin e Arkivit Nacional të Australisë në Kanberra. Çmimi i tij më i fundit është ai i “International Photography Awards” që ka marrë para pak javësh me foton e tij “Blak Mountain”, fenomeni i mrekullueshëm i rrufeve mbi atë vend.

Në këtë intervistë për “Diaspora Shqiptare”, fotografi shqiptar në Australi flet për sukseset e tij, dashurinë për botën e mrekullueshme të yjeve dhe planet për të ardhmen ku përfshihet dhe Shqipëria.

Ari prej sa kohësh jetoni në Australi dhe cilat kanë qenë vështirësitë që keni hasur?
Unë erdha ne Australi më 8 Gusht të vitit 1998 për një vizitë turistike nga Italia ku jetoja prej 6 vjetësh. Në nëntor të po atij viti u shpërngula këtu përgjithmonë.
Përveç largësisë ndaj familjes dhe miqve që ndodhen larg nuk kam patur ndonjë vështirësi të madhe jete këtu, gjëra të zakonshme si p.sh gjuha në fillim ishte pak vështirë por nga miqësitë vendase që formova në fillim më ndihmoj shumë ta përvetësoja atë shpejt.
Si nisi karriera juaj si fotograf? Një pasion i lindur apo i kultivuar?
Mund të them që fotografia ka qenë një pasion i kultivuar, ajo ka qenë gjithmonë një hobi për mua, në fakt nuk e mendoja kurrë se një ditë kjo do të ishte puna ime me të cilën do të ushqehesha. Në vitin 2011 u shpërngula nga Melburni të jetoja në Kanberra, këtu nuk njihja shumë njerëz dhe kisha mjaft kohë ta ushtroja më shumë këtë hobi. Këtu u pranova dhe në shkollën përkatëse ku pas tre vjetësh, në 2016-tën mora diplomën a avancuar të fotografisë.
Ju jeni fitues i disa çmimeve në fotografi, dhe së fundmi një prej fotove tuaja është përzgjedhur në Arkivën Kombëtare të Australisë. Na tregoni pak për sukseset tuaja.
Po, është e vërtetë, kam pasur fatin që puna ima të jetë vlerësuar shumë herë këtu në Australi dhe në kompeticione ndërkombëtare. Për t’u përmendur janë çmimi i parë në botë për “Astrofotografi profesional“ vitin e kaluar dhe ai me i madhi i “Fotografit profesional të natyrës 2020” në një nga kompeticionet më të mëdha të fotografisë në botë “International Photography Awards” që mora para disa javësh.


Shumë prej punëve të mia janë blerë nga institucione të ndryshme private dhe shtetërore, një prej këtyre punëve është blerë për muzeun e përhershëm “Voices” në tavanin e Arkivit Nacional të Australisë këtu në Kanberra.


Keni eksperimentuar me portrete, natyrë. Kë keni më për zemër?
Po, është e vërtetë, unë kam punuar në zhanre të ndryshme të fotografisë. Por nga që më pëlqen të kem lidhje me njerëzit dhe natyrën, te këto dy zhanre e kam përqendruar më shumë punën time. Portrete dhe natyrën, sidomos atë të rrugës së qumështit.
A keni ndonjë projekt të afërt? Ndonjë projekt dhe për Shqipërinë?
Unë ndjek disa projekte kreativo artistike dhe sigurisht që ato kanë lidhje edhe me Shqipërinë. Kam një projekt të madh që ka lidhje me Shqipërinë por nga që jam akoma në faze përgatitjesh, atëherë preferoj të mos flasë shumë për të, le ta lemë pak enigmë për ata që ndjekin punën time.
Përsa i përket jetës suaj atje, a njihni shqiptar të tjerë. Sa i lidhur është komuniteti shqiptar në Austral?
Këtu në Australi komunitetet shqiptare janë të koncentruara më tepër në Melburn dhe Adelaide. Kam shumë të njohur në Melburn ngaqë jetoja atje dhe kontaktet i kemi ruajtur. Këtu në Kanberra nuk ka shumë shqiptar por para dy javësh kur zoti Edmond Trako (ambasadori i Shqipërisë) ngriti flamurin e ambasadës së parë shqiptare në Australi, ajo u bë shkasë që së bashku me gruan time u njohëm me disa shqiptarë të tjerë që jetojnë këtu afër nesh. Ne kemi filluar të takohemi disa herë me njëri-tjetrin në këtë komunitet të vogël tonin që po fuqizohet dita ditës.

Advertisement
Click to comment

Leave a Reply

Your email address will not be published. Required fields are marked *

Aktualitet

Qeveria Kurti “nuk jep dorëheqje”/ Konjufca: Nuk shkohet kështu në zgjedhje

Kryetari i Kuvendit të Kosovës, Glauk Konjufca pohoi pas mbledhjes së Kryesisë se në dijeninë e tij, nuk ka pasur ndonjë takim të rëndësishëm ku është diskutuar koha më e përshtatshme për zgjedhje.

“Ky është një rast i rrallë ku të gjitha partitë pajtohen që të shkojnë në zgjedhje, por nuk po arrijnë dot ta vënë këtë në jetë”, tha ai. Konjufca insistoi se mosmbajtja e zgjedhjeve nuk është çështje droje, por mungese të vullnetit të mazhorancës që kjo të ndodhë përmes dorëheqjes për motivin e thjesht sipas tij, se nuk ka arsye perse qeveria e Kosovës të dorëhiqet.

Pak ditë më parë, kryeministri i Kosovës, Albin u shpreh se për partinë e tij “është njësoj”. “Unë nuk kam problem për asnjërin variant. Nëse opozita do zgjedhje te parakohshme, duhet të shpërbëhet Kuvendi”, tha Kurti, pa përmendur sakaq ndonjë arsye përse do të duheshin zgjedhje te tilla vetëm disa muaj para përfundimit të mandatit qeverisës. Ai madje shkoi deri aty sa të theksonte se për shpërndarjen e Kuvendit, partia e tij, Lëvizja Vetëvendosje, mund ta ndihmojë opozitën për t’i arritur votat e nevojshme.

Opozita kërkon prej kohësh zgjedhje të reja për shkak të atyre që i përshkruan si dështime të vazhdueshme të Qeverisë në planin e brendshëm dhe në politikën e jashtme. Megjithatë, ajo nuk ka konsensus për mënyrën se si të shkohet në zgjedhje të parakohshme.

Continue Reading

Aktualitet

Gazetari: Djali i ish-kryeministrit, një nga personazhet e dosjes “Xibraka”

Gazetari Spartak Koka dha dje detaje nga dosja Xibraka. Ai u shpreh se nuk ka vetëm një person të paidentifikuar nga hetimi i kësaj çështje. Një prej tyre, sipas tij është edhe djali i një ish-kryeministri të kohës së komunizmi i cili ka njoftuar Genci Xhixhën se policia kishte ndërhyrë në Xibrakë.

“Kjo çështje mesa na rezulton të paktën ne që e kemi ndjekur nuk ka vetëm një person të paidentifikuar hetimi i kësaj çështjeje. Ka disa persona të tjerë të paidentifikuar. Një prej personave të paidentifikuar në hetim është ish-djali i një ish-kryeministri të kohës së komunizmit. E ke me letra, e ke me numër telefoni aty i cili ka qenë personi që ka njoftuar Genci Xhixhën që policia të paktën në transkriptimet e bisedave, i cili e njoftonte se policia kishte ndërhyrë në Xibrakë”, tha gazetari.

Më tej ai shtoi se “Sipas dokumenteve del i paidentifikuar. Po të fusësh numrin e telefonit dhe të dhënat e tjera të lidhura me përgjimin del se është djali i ish-kryeministrit të kohës së komunizmit, unë po rezervohem tek emrat për t’ua thënë. E keni me transkriptim i cili thotë…

Koka tregoi edhe disa prej personave të paidentifikuar që në dosje dalin me nofka.

Continue Reading

Aktualitet

Artan Hoxha zbulon si ranë në rrjetën e SPAK drejtorët e Veliajt

Gazetari Artan Hoxha ka folur për arrestimin e drejtorëve të Bashkisë së Tiranës nga SPAK. Hoxha zbuloi se drejtorët e Veliajt komunikonin në një aplikacion sekret, të cilin e kishin programuar në mënyrë private dhe aty flisnin për aktivitete korruptive. Sipas Hoxhës ky rrjet është gjetur nga SPAK në telefonin e njërit prej drejtorëve të arrestuar.

“Çështja ka nisur në prill 2023. Pas zgjedhjeve ka depozituar zoti Këlliçi kallëzim. SPAK i ka marrë të dyja kallëzimet dhe ka vijuar punën.  Sot janë arrestuar dy drejtorë dhe ka akuzë tjetër për një të arrestuar, Taulant Tusha. Dy drejtorët janë drejtori i Ujësjellësit, Redi Molla. Tjetri është drejtori i IMT, Mariglen Qato. Janë dy drejtorët më të rëndëishsëm. Ka patur masa sigurie më të buta për gjashtë zyrtarë të tjerë, këta që kanë hedhur firma. Këta që kanë ngritur skemën dhe janë përfituesit, janë tre drejtorët e bashkisë.

Ishte një staf i ngushtë i Bashkisë, kupola drejtuese që përdornin një rrjet të kriptuar. Kjo është gjëja e veçantë. Nëse kemi folur për Sky dhe Encro, sot ka programues që bëjnë rrjet për të komunikuar personat.  Ky rrjet i kriptuar është kapur dhe ky është filli nga ku SPAK ka filluar të shqepë historinë. Ky rrjet nuk ka shërbyer vetëm për aferat korruptive, por mund të na tregojë edhe për zgjedhjet“, tha Hoxha.

Continue Reading

Aktualitet

“Janë shqetësuar se ka dalë bisha (SPAK) nga kafazi dhe do bëjë kërdinë”

Gazetari Arjan Çani tha se sipas atyre që ende janë në kuadër të thashethemeve mazhoranca dhe opozita synojnë të kufizojnë disa kompetenca të SPAK.

Sipas tij, me gjithë direktivat amerikane që kërkojnë të mos shkelet vija e kuqe, mirë do të ishte që SPAK të zbutej pak dhe parlamenti me gjithë të metat e veta, i ka kompetencat ta bëjë këtë.

“Janë thashetheme që qarkullojnë. Nuk e di nëse Rama si i plotfuqishëm në këtë vend ka në mendje t’i zbusë pak, amerikanët duhen marrë me rezervë, janë prapa ata, por ndoshta jo gjithmonë, se parashikojmë dot.

Mirë do ishte të kishte një lloj ndryshimi, se ka një ekzagjerim, se është lëshuar tani bisha nga kafazi dhe mund të bëjë kërdinë, ‘ha’ edhe njerëz të pafajshëm dhe mirë është të kufizohen disa kompetenca (të SPAK). Pse duhet të çuditemi ne, ky parlament ka disa kompetenca”, tha Çani.
Continue Reading

Aktualitet

Bushati: Gaz Bardhi nuk dha asnjë provë që Olsi Rama është përfshirë në trafik droge, por SPAK të hetojë

Andi Bushati, i ftuar në një emision,  ka folur për akuzat e rënda të Gazment Bardhit ndaj vëllait të kryeministrit Rama, Olsi Rama, se ai ka lidhje me trafikun e drogës dhe laboratorin e Xibrakës.

Bushati tha se Gazment Bardhi nuk solli prova për përfshirje të Olsi Ramës në trafikun e drogës, por tha se kjo çështje duhet hetuar nga SPAK, për shkak se ka indicie dhe dyshime.

“Në këtë debat jam në konflikt interesi, sepse unë kam patur miqësi të gjatë në kohë me Olsin në rininë time. Kam tendencën ta shoh për mirë, edhe ju si emision duket sikur kështu po e shihni.

Këtu kemi një debat, Gaz Bardhi thotë Olsi Rama është përfshirë në trafik kokaine. Dëgjuam që Olsi Rama tha që janë shpifje, thotë mund të kem udhëtuar por nuk kam lidhje dhe këtu mbaron kjo çështje. E lexova me vëmendje, mund të jem edhe subjektiv për hir të së shkuarës.

E para, nuk ka deri më sot asnjë provë, që Olsi Rama të jetë përfshirë në trafik kokaine. Por ama, duke mos patur provë të përfshirjes, kemi dyshime të forta që është futur në një mjedis trafiku. Jo vetëm është futur në një mjedis trafiku, por dyshimet janë që si vëllai i kryeministrit, policia dhe prokuroria e ka nxjerrë dosjen me fraksion. Dosja thotë se ka një person të paidentifikuar.

Ky i paidentifikuari, është i njëjti person që ka përdorur makinën e famshme. Bardhi dha edhe nja dy momente, që nuk ishin shumë bindëse. Tha në ditën që kolumbianët do të vinin, Olsi Rama doli jashtë, por në atë ditë mund të kenë dalë shumë shqiptarë jashtë.

Kemi një fakt, që ky person i dyshuar, i paidentifikuar që përdor të njëjtën makinë si trafikantët, kur vjen puna, vendimi i Gjykatës së Apelit që i ka dënuar të tjerët, thotë policia e dekonspiroi operacionin. Ky është vendim gjykate. Dhe dekonspirimi nuk bëri të mundur identifikimin e personave të tjerë.

Gaz Bardhi sot nuk na dha prova, që Olsi Rama ka marrë thasin me kokainë dhe ka shkëmbyër para. Por na dha indicie që prokuroria duhet të merret me këtë çështje. Pra këto dyshimet janë të mjaftueshme që familjari i një njeriu tepër të pushtetshëm të hetohet. E vetmja gjë që kemi të çertifikuar, që kjo dosja me fraksion nuk mund të rrijë më nën shalët e prokurorëtve”, tha Bushati.

Continue Reading
Advertisement

TRENDING