‘Avokati’ i zhvati 12 milionë lekë shtetases, arrestohet

Një 54-vjeçar në Elbasan ka rënë në prangat e policisë pas një hetimi 3-mujor.

Shtetasi M.K akuzohet për mashtrim me pasoja të rënda, pasi dyshohet se ka përfituar rreth 12 milion lekë të vjetra duke mashtruar një shtetase me pretendimin se është avokat dhe se do të përfaqësonte çështjen e bashkëshortit të saj.

Njoftimi:

I mori një shumë parash, një shtetaseje, me pretendimin se ishte avokat dhe do të përfaqësonte çështjen e bashkëshortit të saj, vihet në pranga 54-vjeçari.

Specialistët e Seksionit për Hetimin e Krimeve Ekonomiko-Financiare, në bashkëpunim me shërbimet policore të specializuara të DVP Elbasan, pas kallëzimit nga një shtetase, se një shtetas i kishte marrë një shumë parash, me anë të mashtrimit, referuan materialet në Prokurorinë e Elbasanit, e cila inicioi një hetim për dokumentimin e plotë ligjor të këtij rasti.

Nga veprimet hetimore dyshohet se 54-vjeçari i ka marrë 1 200 000 lekë të rinj, një shtetaseje, me pretendimin se ishte avokat dhe se do të përfaqësonte ligjërisht, në Gjykatë, çështjen e bashkëshortit të saj, i cili po vuante dënimin në IEVP Drenovë.

Materialet procedurale i kaluan Prokurorisë, për veprime të mëtejshme