Aktualitet

Banka Botërore: 60% e të varfërve në Shqipëri nuk kanë ushqim të mjaftueshëm dhe cilësor

Duke analizuar zhvillimin e qëndrueshëm global të përcaktuar në objektivat e Kombeve të Bashkuara, deri në vitin 2031, Banka Botërore gjeti se, ende një përqindje më e madhe e njerëzve sidomos në vendet në zhvillim dhe ato të varfra përballen me mungesën e sigurisë ushqimore, që përfshin aksesin e kufizuar në ushqim, mungesën e shumëllojshmërisë së ushqimit dhe cilësinë e dobët të tij.

Sipas Bankës Botërore, popullsia e varfër në Shqipëri, që përfshihet në 20% më të ulët të të ardhurave, është shumë e ekspozuar ndaj pasigurisë ushqimore.

Sipas grafikut bashkëngjitur, 60% e popullsisë së varfër në vend janë të ekspozuar nga mungesa e ushqimit dhe cilësia jo e mirë e tij. Në të kundërt të pasurit kanë një ekspozim më të ulët, pasi pak më pak se 10% e tyre janë të ekspozuar ndaj këtij fenomeni.

Shqipëria renditet ndër vendet evropiane me ekspozimin më të lartë të të varfërve ndaj mungesës së sigurisë ushqimore. Më keq se Shqipëria janë vetëm disa vende të Afrikës.

Me krizën ekonomike që ka krijuar Covid-19, popullsia e paushqyer po rritet, pas një rënie prej një dekade. Banka Botërore analizon se nënushqyerja është e lidhur ngushtë me mungesën e sigurinë ushqimore. Pasiguria e ushqimit manifestohet në mënyra të ndryshme. Këto variojnë nga pasiguria rreth aftësisë për të marrë ushqim, pra që u duhet të bëjnë kompromis për cilësinë dhe shumëllojshmërinë e ushqimit, deri te mosngrënia për një ditë të tërë.

Mungesa e sigurisë ushqimore trajton kompleksitetin e urisë. Ky tregues dallon nga të tjerët se ka dalë nga një sondazh i drejtpërdrejtë me familjet me 8 pyetje dhe mbi një sërë përvojash të pasigurisë ushqimore në secilin vend. Përgjigjet e tyre përdoren për të përcaktuar probabilitetin që një familje të përjetojë pasiguri të moderuar ose të rëndë të ushqimit.

Pasiguria e rëndë e ushqimit është e lidhur ngushtë me mosushqyerjen ose përjetimin e urisë. Edhe pse pasiguria e moderuar e ushqimit nuk mund të sinjalizojë drejtpërdrejt kequshqyerjen, ajo kap popullatën e prekshme nga kequshqyerja dhe shëndetin e dobët. Në fakt, kur krahasohen vendet me nivele të ngjashme të nënushqyerjes dhe varfërisë, “Raporti i Ushqimit 2019” zbulon se pasiguria e moderuar e ushqimit është gjithashtu e ndërlidhur në mënyrë të konsiderueshme me mbipeshën.

Sot, një në katër persona në të gjithë botën përjeton pasiguri të moderuar ose të rëndë të ushqimit, dhe një në njëmbëdhjetë përjeton pasiguri të rëndë ushqimore. Shumica e familjeve gati 1.3 miliardë nga 2 miliardë, që përjetojnë pasiguri ushqimore ndodhen në Afrikën Sub-Sahariane dhe Azinë Jugore.

Pasiguria e ushqimit në Afrikën Sub-Sahariane është e lartë, më shumë se gjysma e popullsisë e përjeton atë. Deri në vitin 2018, numri i përgjithshëm i njerëzve që përjetuan të paktën pasiguri të moderuar të ushqimit ishte më i larti në Afrikën Sub-Sahariane. Pas vitit 2019, Azia e Jugut kaloi Afrikën Sub-Sahariane.

Të dhënat e tjera të INSTAT tregojnë se Shqipëria ka peshën më të lartë të shpenzimeve për ushqime në Evropë në totalin e shportës, një tregues indirekt i varfërisë. Sipas të dhënave që i referohen vitit 2019, rreth 41% e shpenzimeve totale shkonin për t’u ushqyer, përkundrejt 34% në Kosovë, 33% në Maqedoninë e Veriut, 27% në Bosnjë dhe më pak se 24% në Serbi e Mal të Zi. Ndërsa mesatarja e BE e peshës së ushqimeve në totalin e shpenzimeve për konsum është 12%. /Monitor

Aktualitet

Meta në sulm me akuza, Milaim Zeka: Arrestimet e mëdha bëhen fundjavave

Përplasja e Metës me SPAK-un dhe Altin Dumanin ka qenë kryefjala politike këto javë dhe analistët Leonard Olli dhe Milaim Zeka komentuan këtë realitet në politikë.

Milaim Zeka shprehet se as Berisha dhe as Meta nuk mundet të luftojnë kundër Amerikës, ndërsa ky i fundit duhet të ishte në burg vetëm për atë video përgjimin e publikuar nga Dritan Prifti.

”E kam informacionin që arrestimet e mëdhaja bëhen fundjavave. Më vjen keq për 2 njerëz. Që Sali Berishës nuk i doli një këshilltar që t’i thoshte në fillim që puna jote më e mira është të presësh ngritjen e akt akuzës nga SPAK dhe të përballet sipas ligjit. Të dalësh në arrest shtëpiak majë ballkonit i jep kredibilitet zotit Rama. Në rradhë të parë nuk ka askënd, ka vetëm 200 veta që ç’mallen me njëri-tjetrin. Kadareja në 1993 më ka thënë diçka në Suedi, Amerika tha është superfuqi edhe kur gabon nuk gabon.

Nuk mundet Meta dhe Berisha të fitojnë luftën ndaj Amerikës. Po të isha Dumani, Ilir Meta do e kisha çu në burg vetëm me atë videon që e nxorri Dritan Prifti. Vetëm me marrë deklaratën që tha në parlament nuk jap dorëheqjen për Shkëlzenin. I shpëtoi llafi, tha unë edhe nga burgu do e shkatërroj këtë’, tha Zeka.

Aktualitet

Dikur pretendoi se i rrëmbyen fitoren në “Amici”, Klajdi Selimi tregon si i ka marrëdhëniet sot me Maria De Filippin

Klajdi Selimi është një nga balerinët shqiptarë që i ka bërë krenarë të gjithë, pasi spikati në “Amici”. Në një lidhje me Skype ai është kthyer pas në 19 vite në kohë, duke kujtuar edhe kontensimin e fitores.

Ndër të tjera, Klajdi ka treguar dhe si i ka marrëdhëniet sot me Maria De Filippin. Sakaq, ai ka theksuar se nuk e dëmtoi karrierën e tij, pasi mbas asaj eksperience hapi 15 shkolla baleti.

“Eksperienca e ‘Amici’ ishte shumë e dëshiruar. Kisha një lodhje të paparë, isha gjithmonë në shënjetër të shokëve të mi të aventurës, pasi fakti që isha para tyre i drejtonte. Te danci, te publiku, te familja ime gjeta forcën, edhe pse pati shumë debate.

Unë nuk dua t’i jap konotacionin që jam shqiptar, sepse Mediaset më ndryshoi jetën. Megjithëse, unë malin e ngjita vetë. Por ideja aty ishte një gabim teknik që programi nuk donte ta pranonte mbrapa. Teknikisht unë jam fituesi i dancit te Maria De Filippi.

Unë nuk mendoj që e dëmtova karrierën time, duke kontensuar Amicin. unë mendoj që ka politika të tjera të zonjës De Filippi se ajo vendos në shtëpinë e vetë. Unë e falenderoj për mundësinë në atë program.

Kjo nuk do të thotë që karriera ime ndaloi se unë pas ‘Amicit’ hapa 15 shkolla baleti dhe punova për ‘Domenica In’ me Mauricio Konstancën. Kam pasur më shumë se 5 mijë nxënës në Romë që kanë marrë leksione nga unë”, u shpreh balerini.

Aktualitet

Gazetarja bën akuzën e fortë: Meta ka paguar një prokuror për të shtyrë arrestimin

Gazetarja investigative, Anduena Llabani, foli për presionet dhe sulmet e politikës, ndaj kreut të strukturës së SPAK, Altin Dumani.

Referuar informacioneve, ajo tha se kryetari i Partisë së Lirisë, Ilir Meta ka paguar një prokuror në SPAK, duke iu kërkuar shtyrjen e arrestimit të tij.

“Meta ka tre dosja në SPAK, jo vetëm CEZ DIA. Politika ka njerëzit e vet në SPAK. Në dijeninë time, Meta kishte paguar një prokuror për të shtyrë arrestimin e tij.

Altin Dumani ka kërkuar dosjen e tij dhe ka kërkuar të merret me këtë dosje dhe prandaj Meta ka nisur sulmet”, tha ajo.

Aktualitet

Takimi i Ramës në Athinë, komenton gazetari Hoxha

Gazetari investigativ, Artan Hoxha, komentoi turin e kryeministrit Rama në diasporë që do të nisë me takimin në Athinë më 12 maj. Hoxha u shpreh se ky takim është lexuar në Greqi si karshillëk ndaj kryeministrit Mitsotakis, marrëdhëniet me të cilin janë ftohur prej burgosjes së Fredi Belerit.

“Sot jam kontaktuar nga disa gazetarë grekë. Nuk më pyetën si zakonisht për Fredi Belerin por për takimin e 12 majit në Athinë dhe atje në Greqi është lexuar si karshillëk që ia bën Mitsotakis dhe meqë kanë të drejtë 280 mijë shqiptarë të votojnë mund të japë një mesazh për partitë e majta që janë kundër qeverisë së kryeministrit.

Është fakt që Rama i ka vënë në lëvizje jo vetëm deputetët dhe drejtuesit politikë, por edhe biznesmenët e fuqishëm në jug që në takim të ketë 5 mijë vetë, është zgjedhur edhe ambienti. Rama nuk e ka bërë më parë këtë, edhe pse e kanë bërë të tjerët më parë, si Meta. Kjo bëhet kur është kulmi i fushatës për zgjedhjet në Parlamentin Evropian”-tha Hoxha.

Aktualitet

“Dua të dal në…”/ Lukashenko drejt largimit pas 30 vitesh në fuqi?

Presidenti i Bjellorusisë, Alexander Lukashenko, ka zbuluar se do të konsideronte t’i jepte fund karrierës së tij politike pas 30 vitesh në pushtet, pasi të jetë i sigurt se do të sigurohet një “tranzicion i qetë”.

Lukashenko i bëri komentet në një mbledhje politike e mbledhur në Minsk, nga ku deklaroi se duhet të sigurohet stabiliteti politik për të ardhmen e vendit.

“Nuk duhet të heshtni. Nëse do të heshtni, do të thotë se kam gabuar. Se nuk do të mund ta mbroni vendin, sidomos pa mua”, u tha ai të pranishmëve.

“Dua ta përfundoj karrierën time politike në një mënyrë dinjitoze… në mënyrë që të mos shkatërrojmë gjithçka që kemi ndërtuar me duart tona,” tha Lukashenko. “Do të dal në pension, sapo të më thoni në një formë: ‘mjaft’”, u shpreh ai.