Connect with us

Sport

Barcelona nuk di të ndalet, çon në 7 numrin e fitoreve rradhazi

Barcelona nuk ndalet kurrë: në javën e shtatë të Ligës spanjolle, Blaugranët vazhdojnë me të njëjtin ritëm duke marrë sërish tre pikë pas ikanë mposhtur edhe Getafen 1-0. Ndeshja u vendos nga një Robert Lewandowski në formë të shkëlqyer, i cili shënoi golin e ndeshjes në minutën e 19-të dhe çoi në 4 pikë diferencën me Realin e Madriditit që ndodhet në vendin e dytë.

Në minutat e para është skuadra mike ajo që tenton të trembi vendasit, por me kalimin e minutave Barça e zhvendos ndeshjen në anën e tyre. Menjëherë pas çerek orës së lojës, Barça doli nga ngërçi me një goditje nga e djathta e polakut që çoi shifrat e takimit në 1-0 në minutën e 19-të.

Dominimi i Blaugranasve vazhdoi gjatë gjithë pjesës së parë dhe gjithashtu në një pjesë të madhe të pjesës së dytë, por skuadra e Flick nuk arriti kurrë të jepte goditjen vendimtare të nokautit. Në fund të ndeshjes, djemt e Bordalas tentojnë me çdo formë që të gjejnë golin e barazimit, por nuk ja dolën dhe gjithçka u mbyll me shifrat 1-0.

Me këtë fitore të ngushtë, Barcelona ngjitet në kuotën e 21 pikëve në renditje dhe kanë arritur që edhe pas kësaj jave të shtatë të jenë me pikë të plota dhe distanca me ndjekësit shkon në +4 ndaj Real Madridit. Nga ana tjetër Getafe është në vendin e parafundit me 4 pikë.

Related Topics:
Advertisement