Bardhi hyn në përplasjen Rama-Berisha: Kryeministri vodhi programin e PD

Sekretari i Përgjithshëm i Partisë Demokratike, Gazment Bardhi, ka publikuar një video në të cilën akuzon Kryeministrin Edi Rama për kopjim të programit elektoral të Partisë Demokratike, të paraqitur nga lideri i PD-së, Sali Berisha. Bardhi u shpreh se Rama ka humbur ide dhe vullnet për të qeverisur vendin në interes të qytetarëve dhe tani, për të tërhequr mbështetje para zgjedhjeve, ka filluar të kopjojë propozimet e PD-së.

Në një postim në rrjetet sociale, Bardhi tha: “Edi Rama nuk ka patur ndonjëherë as ide, as vullnet për të qeverisur vendin në interes të njerëzve. Tani që numërimi mbrapsht ka nisur dhe e ka kuptuar se shqiptarët nuk ngopen më me lugën e tij bosh, Edi Rama harroi kur tallej dhe tani po kopjon rëndshëm programin elektoral të Sali Berishës.”

Ai ka vazhduar duke ironizuar Kryeministrin Rama, duke e quajtur atë “Edi Kopjaci”, dhe ka shtuar se ndërkohë që Rama po përpiqet të zvarritet drejt zgjedhjeve me politikat e tij të dështuara, Partia Demokratike po bashkon gjithnjë e më shumë shqiptarë që kërkojnë ndryshim.

Bardhi ka renditur gjithashtu disa prej angazhimeve të PD-së për të ardhmen e vendit, duke përfshirë rritjen e pensioneve dhe pagave, si dhe kthimin e TVSH-së për ushqimet. Këto janë disa nga pikat kyçe të programit të PD-së për zgjedhjet, ku Bardhi ka theksuar: “Është koha për të kthyer shpresën dhe për të ndërtuar një të ardhme më të mirë për Shqipërinë!”

Postimi i Plote;

Edi Rama nuk ka patur ndonjëherë as ide, as vullnet për të qeverisur vendin në interes të njerëzve. Tani që numërimi mbrapsht ka nisur dhe e ka kuptuar se shqiptarët nuk ngopen më me lugën e tij bosh, Edi Rama harroi kur tallej dhe tani po kopjon rëndshëm programin elektoral të Sali Berishës. Mirë që Berisha s’ka pasion të pikturojë, se kushedi ç’do të na kishin parë sytë nga kopjaci i qeverisë! 📄✂️ 😂

Dhe ndërsa Edi Kopjaci përpiqet të zvarritet drejt zgjedhjeve me politikën e tij të dështuar – mashtrim dhe vetëm mashtrim, me Partinë Demokratike po bashkohen gjithnjë e më shumë shqiptarë që duan ndryshimin! 🚀

Zotimi ynë pas 11 Majit:

✅ Asnjë pension nën 200 euro.

✅ 20 % Rritje për çdo pension.

✅ Kthim i TVSH për ushqimet deri në 2 pensione në vit.

✅ Paga minimale 500 euro.

✅ Paga mesatare 1200 euro.

Është koha për të kthyer shpresën dhe për të ndërtuar një të ardhme më të mirë për Shqipërinë!