Basha: Banda e inceneratorëve në qeveri operon me kode mafioze, kokat hëngshin

Kryetari i PD-së, Lulzim Basha ka reaguar pas intervistës së djeshme të bërë nga arratia të ish-zëvendëskryeministrit Arben Ahmetaj, i cili akuzoi kryeministrin Rama për inceneratorët.

Me anë të një reagimi në Facebook, Basha shkruan se “është e qartë se këta operojnë si bandat kriminale dhe me kode mafioze kërcënojnë njëri-tjetrin”.

Basha thekson mes të tjerash se shqetësuese është fakti se janë vjedhur paratë e shqiptarëve.

“Është e qartë se këta operojnë si bandë kriminale dhe me kode mafioze kërcënojnë njëri-tjetrin. Njëri del në dosje me krimin, tjetri në pazare korrupsioni, tjetri kanabizon Shqipërinë.

Se çfarë bëjnë me njëri-tjetrin, kokat hëngshin, por çfarë shqetëson shqiptarët është se ata të gjithë bashkë nuk kanë ngrënë kumbulla e dardha, por paratë e shqiptarëve, kanë abuzuar me pasuritë e tyre. Dhe për këtë duhet të japin llogari para drejtësisë, nga i pari tek i fundit”, shkruan Basha.