BE-ja e shqetësuar për përdorimin në rritje të drogës…

Komisioni Evropian tha se përdorimi dhe shitja e drogës në vendet e Bashkimit Evropian po rritet në një gamë të shumëllojshme.

Komisionerja e BE-së për Çështjet e Brendshme, Ylva Johansson në një konferencë të përbashkët për media me drejtorin e Qendrës Evropiane për Drogën dhe Varësinë nga Drogat Alexis Goosdeel, njoftoi mbi Raportin Evropian 2023 për Drogën.

“Krimi i organizuar i lidhur me drogën përbën kërcënim të madh për shoqërinë. Jam thellësisht e shqetësuar se substancat e konsumuara sot në Evropë mund të shkaktojnë më shumë dëm për shëndetin sesa në të kaluarën”, tha Johansson e cila shtoi se në vizitat që ka realizuar kohët e fundit në porte të caktuara të BE-së dhe Amerikës Latine ka parë se trafikantët vazhdojnë të ndikojnë negativisht në shoqëri përmes depërtimit në zinxhirët e furnizimit, shfrytëzimit të punëtorëve, dhunës dhe korrupsionit”, tha ajo.