BE-ja Kosovës: Jepni kohë të mjaftueshme për targat

Bashkimi Evropian tha se Prishtina duhet t’i japë kohë të mjaftueshme zbatimit të vendimit për riregjistrimin e makinave me targa të lëshuara nga Serbia për ti kthyer në ato të Kosovës.

“Është e rëndësishme që të jepet kohë e mjaftueshme për zbatimin e këtij plani dhe që ai të jetë i përgatitur dhe të zbatohet në konsultim të ngushtë me qytetarët që afektohen nga vendimi, në linjë me praktikat më të mira të Be-së”, tha një zëdhënës i Komisionit Evropian.

“Konkluzionet e vitit 2016 për lirinë e lëvizjes kanë përfshirë një afat më të gjatë kohor për riregjistrim, pasi duhet të ofrojë udhëzime për procesin e tanishëm”, shtoi zëdhënësi.

Në vitin 2016, u arrit është marrëveshja për finalizimin e zbatimit të Marrëveshjes së lirisë së lëvizjes, e nisur si propozim në vitin 2011 në dialogun e Brukselit, mes Kosovës dhe Serbisë.

Sipas asaj marrëveshjeje, Kosova u zotua të zgjaste për pesë vjet vlefshmërinë e targave KS. Rrjedhimisht, targat KS kishin pasur vlefshmëri deri në vitin 2021.