Besnik ndaj formacionit fitues/ Ja receta e trajnerit Sylvinho që na çoi drejt Europianit të Gjermanisë

Sukseset vijnë gjithmonë duke besuar dhe tu besosh të njëjtë individëve që luajnë në fushë është një detaj interesant që duhet vlerësuar. Pikërisht, këtë gjë ka bërë trajneri Sylvinho i cili në këto ndeshje kualifikuese ka luajtur thuajse me të njëjtët futbollistë duke patur po të njëjtin sukses dhe performancë në fushën e lojës.

Në 7 ndeshjet e kualifikueseve “Euro2024”, Sylvinho i ka qëndruar besnik formacionit të tij tip, ose më saktë filozofisë: “formacioni fitues nuk ndryshon”. Me brazilianin në stol, ndryshimet kanë qenë me pikatore, jo vetëm kur bëhet fjalë për formacionin titullarë, por edhe zëvendësimet kanë qenë thuajse fotokopje. Dy lojtarët më shumë të aktivizuar me Sylvinho-n në stol janë Ylber Ramadani dhe Elseid Hysaj, plot 630 minuta për të dy lojtarët, 7 ndeshje, të 7 titullarë.

Në këtë statistikë shumë domethënëse, Ramadani-Hysaj ndiqet nga dyshja Gjimshiti-Mitaj, të dy lojtarët janë aktivizuar 540 minuta, por kanë luajtur 6 nga 7 ndeshje. Në vendin e katërt renditet Asllani me 505 minuta, i ndjekur nga Jasir Asani me 496 minuta dhe Nedim Bajrami me 490 minuta, Asani dhe Bajrami kanë zbritur titullarë në të 7 ndeshjet, por janë zëvendësuar.