BIA kap spiunin/ Eksperti i sigurisë tregon të vërtetën e lajmit

Mediat serbe kanë treguar se një shtetas serb, i cili punon si ekspert IT është arrestuar pasi akuzohet për spiunazh në Serbi për llogari te Shërbimit Informativ të Shqipërisë.

Eksperti i sigurisë Drizan Shala tha në një intervistë se gjithçka është një ngjarje e sajuar nga Sherbimi Sekret i Serbisë BIA. Sipas tij, as shërbimi sekret shqiptar dhe as ai i Kosovës nuk kanë nevojë për një spiun serb.

“Për të qenë i saktë, ky informacion duhet të kishte kaluar në filtrin e policisë, prokurorisë dhe gjykatës. Kjo dëshmon se është një veprim i sajuar i strukturave të Serbisë. Ai akuzohet për gjoja spiunim të bazave ushtarake të Serbisë dhe  gjoja ka tentuar të marrë informacione për operacionet e  strukturave serbe. Për masën, ky lajm shitet sikur SHISH dhe AKI janë të përfshira në shtetin e Serbisë, gjë që mund të nxisë veprimet e grupeve ekstremiste në institucionet e Kosovës, por ne te vertete këto struktura s’e kanë të nevojshme ta bëjnë një gjë të tillë pasi kanë partnerë ndërkombëtarë në ato hapësira” – theksoi eksperti Drizan Shala.

Nga ana tjetër, ish-kreu i SHIK Fatos Klosi u shpreh se sajesa duket edhe ne faktin se shërbimet sekrete nuk i nxjerrin në publik lajme të tilla që kanë të bëjnë me veprimtarinë  e tyre.

Klosi gjithashtu tregoi se Shqipëria ka pasur agjentët e vet në Serbi dhe theksoi se interesi I tyre nuk ka qenë për bazat ushtarake por çështje që lidhen me politikën.

“Ne kemi interes më shumë të dimë objektet e politikës së tyre se sa ato ushtarake. Shqipëria ka pasur agjentët e vet serb në Serbi. Kishim bashkëpunëtorë të vjetër dhe të rinj me detyra të caktuara” – potencoi Klosi