Bie nga skela punëtori, niset menjëherë drejt Traumës

Një punëtor që po punonte në një pallat 5- katësh, ka rënë nga skela. Ngjarja ka ndodhur në Bulqizë, ku raportohet se punëtori është dërguar drejt Spitalit të Traumës në Tiranë.

Fillimisht punëtori është dërguar në spitalin e Bulqizës, ku dhe ka marrë ndihmën e parë. Për shkak të gjendjes shëndetësore të rënduar, ai është transportuar me urgjencë drejt Traumës në kryeqytet.

Ende nuk dihen shkaqet e aksidentit, teksa policia dhe grupi hetimor ndodhen në vendngjarje.