Bilanci/ Në një vit 67 policë TË ZHVESHUR

Agjencia e Mbikëqyrjes Policore ka nisur procedurat e përshpejtuara për përjashtimin nga Policia e Shtetit të policit të patrullës së përgjithshme në komisariatit nr.1 Serxhio Cani, i cili u arrestua  si autor i disa grabitjeve në zonën e liqenit.

Serxhio Cani bëhet kështu polici i 67-të që përjashtohet nga Policia  gjatë këtij viti.

Pak ditë më parë me urdhër të drejtorit të përgjithshëm të policisë Muhamet Rrumbullaku, u përjashtuan 7 punonjës policie të nivelit të lartë e të mesëm në Berat të cilët shkelën procedurat standarde të punës dhe nuk parandaluan aktivitetin e përpunimit të kanabisit që u zbulua në një serë në Berat.