Bliken në Izrael: Duhet bërë shumë për ndihmat nga SHBA

Antony Blinken u ka thënë udhëheqësve izraelitë se “duhet bërë shumë” për të marrë ndihma humanitare për civilët në Gazën veriore Të martën, sekretari amerikan i shtetit u takua me kryeministrin izraelit Benjamin Netanyahu, ministrin e Mbrojtjes Yoav Gallant, ministrin e Çështjeve Strategjike Ron Dermer dhe zyrtarë të lartë ushtarakë në Tel Aviv.

Sipas BBC, takimet janë pjesë e një turneu rajonal që Uashingtoni e sheh si një mundësi për të rikthyer diplomacinë pas vrasjes të liderit të Hamasit, Yahya Sinëar. Blinken i bëri presion udhëheqjes izraelite mbi raportet se ushtria e saj ka zbatuar të ashtuquajturin “plan të gjeneralëve” në Gazën veriore, një taktikë e përshkruar si përdorimi i zhvendosjes masive të civilëve dhe një taktikë dorëzimi.

Izraelitët thanë se taktika nuk ishte “absolutisht” politika e tyre, ndaj së cilës amerikanët u përgjigjën se homologët e tyre duhej ta bënin këtë më të qartë publikisht. Izraeli tha se ofensiva e tij në Gazën veriore është për të mposhtur një “ringjallje” të Hamasit.

Vizita e Blinken për ndihmën humanitare pasoi letrën e tij javën e kaluar, të bashkë-nënshkruar nga Sekretari i Mbrojtjes i SHBA-së, Lloyd Austin, i cili i dha qeverisë izraelite 30 ditë për të rritur ndihmat në Rripin verior të Gazës .

Një deklaratë e lëshuar nga zyra e Netanyahut pas takimit nuk e përmendi asistencën humanitare. Në deklaratë theksohej “kërcënimi iranian” kundër Izraelit dhe nevoja që SHBA dhe Izraeli të “bashkohen” kundër tij.

Gjithashtu thuhej se Blinken kishte shprehur “tronditjen e thellë” të Amerikës për atë që Izraeli e përshkruan si një atentat iranian kundër Netanyahut nëpërmjet një sulmi me dron të Hezbollahut në rezidencën e tij private në fundjavë.