Bolton e ka me Kurtin/ Vuçiç do këmbim territoresh me Kosovën

Hulumtuesi Dushan Prorokovic, duke folur per projektin amerikan te kembimit te territoreve, e hedhur ne tryeze ditet e fundit nga John Bolton, tha se kjo duhet të konsiderohet me shume si pikëpamje personale e ish keshilltarit amerikan, sesa një projeksion strategjik.

Bolton, theksoi Prorokovic, është një nga politikanët republikanë amerikanë që i shikon marrëdhëniet ndërkombëtare nga një perspektivë realiste, por ndikimi i tij ishte shumë më i madh në të kaluarën sesa sot.

“Ai ka pasur shumë gabime në pikëpamjet e tij strategjike dhe kjo ishte arsyeja pse ai u hoq nga administrata Trump. Për më tepër, ndikimi i tij në politikën e jashtme dhe të sigurisë së SHBA-së është shumë i diskutueshëm” – deklaroi Prorokovic.

Pyetja kryesore, megjithatë, siç theksoi ai, është nëse shkëmbimi territorial është i pranueshëm për Serbinë.

“Kjo ka të bëjë kryesisht me interesat serbe, çështjet serbe të identitetit, pikëpamjet gjeopolitike dhe vlerësimet se si të veprohet në dekadat e ardhshme në një mjedis ndërkombëtar shumë të paqëndrueshëm. Unë nuk e shoh këtë si të pranueshme. Së pari, për shkak të çështjeve të identitetit. Ne jemi dëshmitarë të gjithçkaje që po ndodh në Kosovë, dhe në rastin e ndarjes, kjo do të hapte shumë pasoja të pakëndshme, nëse jo katastrofike, për Serbinë. Ekziston edhe pozicionimi i Kosovës në marrëdhëniet ndërkombëtare. Pra, ka shumë arsye pse kjo është e papranueshme për Serbine.

Ai shtoi se jemi dëshmitarë qe në Ukrainë nuk u respektuan garancitë e dhëna Rusisë, një fuqie e madhe dhe anëtare e përhershme e Këshillit të Sigurimit të OKB-së, të përcaktuara me marrëveshjet e Minskut. Pra, tha ai, nëse këto garanci nuk respektohen për Rusinë, lind pyetja: pse do të respektohen ato për Serbinë? Prorokoviq gjithashtu nuk sheh ndonjë vullnet midis shteteve evropiane, Bashkimit Evropian apo Mbretërisë së Bashkuar për t’u përfshirë në diskutime mbi këtë temë.