Connect with us

Aktualitet

Buletini sekret/ Relacioni për Hysni Kapon: “Përcollëm për në Gjermani tre shtetas grekë dhe kthyem në Jugosllavi 12 kosovarë, që gjoja kishin ardhur për…”

Publikohen disa dokumente arkivore të nxjerra nga Arkivi Qendror i Shtetit në Tiranë (Fondi i ish-Komitetit Qendror të PPSH-së), të cilat i përkasin vitit 1970, ku ndodhet një raport-informacion me buletinin sekret të përpiluar prej kryetarit të Degës së V-të të Sigurimit të Shtetit, në Ministrinë e Punëve të Brendshme, Kapllan Sako, dërguar sekretarit të Komitetit Qendror të PPSH-së, Hysni Kapo, (i cili mbulonte në rrugë partie, organet e ‘Diktaturës së Proletariatit), ku ai i bënte me dije, për disa nga ngjarjet më kryesore të ndodhur gjatë gjithë vitit 1970-të, në rrethe të ndryshme të vendit, ku organet e Sigurimit të Shtetit, kishin zbuluar dhe goditur disa grupe armiqësore, si: ai i Raif Elezit dhe Bajram e Avdi Gjanës, në rrethin e Kukësit, i Daut, Dervish dhe Izet Gumenit në rrethin e Tepelenës, Kujtim e Durim Veledit në Tiranë, ai i Dhimitër e Sofokli Heqimit, Gjergji Moles, Sami Gjyzelit dhe Shaqir Vorpsi në Tiranë, Edmond Naumit, Ilija Stojanit dhe Kastriot Peçit që do arratiseshin në Greqi, nga rrethi i Korçës, Haxhire dhe Zyber Zhegu, Mustafa Kallçiu, Lumturi Kaçini, që u dënuan për kontrabandë ari, si dhe kthimi në Jugosllavi të 12 shtetasve kosovarë që kishin ardhur në mënyrë ilegale në Shqipëri, apo ekstradimin e tre shtetasve grekë, Paskal Nikolla Sokolaqis dhe Jorgo Dhimitër Jogridhis, që me kërkesën e tyre, u përcollën për në Gjermaninë Perëndimore.

Gjatë gjithë periudhës së regjimit komunist të Enver Hoxhës, që nga viti 1945 e deri në vitin 1990-të, kur nisi dhe Lëvizja Studentore e krijimi i Partisë Demokratike, të cilat i paraprinë ngjarjeve që do të çonin më pas në rrëzimin e atij regjimi, në varësi të konjukturave e ngjarjeve politike që ndodhnin në vend dhe kryesisht në arenën ndërkombëtare, Sigurimi i Shtetit nën udhëheqjen e PPSH-së, ndërmerte “zbulime”, arrestime dhe goditje “grupesh armiqësore”, të cilat pothuaj në më të shumtën e rasteve i inskenonte vetë, duke i paraqitur ato si mjaft të rrezikshme. Dhe si rezultat, janë dënuar me ekzekutime, vite të gjata burgimi dhe internuar me qindra e qindra persona.

Në këtë kontekst, për gati katër dekada me radhë janë “zbuluar” dhe goditur mjaft të ashtuquajtura “grupe armiqësore”, si p.sh.: “Grupi i armiqve të popullit” në vitin 1945, që u dënuan me Gjyqin Special, “Grupi i Sabotatorëve të Kënetës së Maliqit” dhe “Grupi i Deputetëve, në 1946-’47”, “Grupi i Abedin Shehut, Shyqëri Këllezit e Hamit Keçit”, në vitin 1950, “Grupi i Dali Ndreut, Liri Gegës e Petro Bullatit”, si dhe “Grupi i Konferencës së Tiranës” në 1956-ën (me Iljaz Ahmetin, Vehip Demin, Vandush Vinçanin etj.), “Grupi i Teme Sejkos në 1960-ën”, “Grupi i Stavri dhe Thoma Rafaelit”. në 1963-in (ku bënin pjesë edhe Trifon Xhagjika, Robert Vullkani etj), “Grupi i Ushtarakëve” që kundërshtuan heqjen e gradave në Ushtri, në 1967-ën (me gjeneral-major Halim Xhelon, kolonel, Dilaver Radëshi etj.), “Grupi i Festivalit të 11-të i Këngës në Radio-Televizion” në 1972-in (me Mihallaq Luarasin, Edi Luarasin, Minush Jeron, Justina Aliaj, Bujar Kapexhiu etj), “Grupi i Todi Lubonjës e Fadil Paçramit” në Art-Kulturë në 1974-ën, “Grupi puçist në Ushtri” në 1974-ën, (me Beqir Ballukun, Petrit Dumen, Hito Çakon etj.), “Grupi i Ministrisë së Arsimit” në 1974-’75, me (Thoma Deljanën, Mantho Balën, Hasan Dumën), etj., “Grupi i Lopëve të Baldushkut” në 1975-ën, (Ndue Marashi, Rifat Daja, Agim Akçani etj.), “Grupi i Sabotatorëve ne Ekonomi” në 1975-’76-ën, (me Abdyl Këllezin, Koço Theodhosin, Kiço Ngjelën, Vasil Katin etj.), “Grupi i Naftës” në 1976-’77, (me Koço Plakun, Lipe Nashin, Milto Gjikopullin etj.), “Grupi i Edip Ohrit, Sabri Pilkatit, Ali Kubatit etj.), në 1980-ën, “Grupi i Mehmet Shehut, Kadri Hazbiut, Feçorr Shehut”, etj., në 1981-’82-in, “Grupi i Kosovarëve” në 1982-in (Namik Luca, Selim Kelmendi, Estref Kelmendi, etj.), për të përfunduar në vitin 1986-’87-ën, me “Grupin e Medi Çelikut, Bujar Jazexhiut”, etj.

E gjitha kjo bëhej me qëllimi që ngjarjet apo konjukturat politike që ndodhnin kryesisht në arenën ndërkombëtare dhe në Shqipëri, të parandaloheshin dhe të mos kishin ndikime e impaktin më të vogël tek të tjerët. Në këtë kontekst, janë bërë arrestime, goditje dhe dënime edhe në vitin 1970-të, me të ashtuquajturin “Grupi terrorist i Kukësit” (me Raif Elezin, Avdi dhe Bajram Gjanën etj.) dhe “Grupi i Tepelenës”, (me Dervish, Izet dhe Daut Gumenin, etj.), për të cilat veç të tjerash, bën fjalë edhe ky dokument arkivor, që po publikojmë më poshtë në këtë shkrim, ku ish-kryetari i Degës së V-të të Sigurimit të Shtetit, Kapllan Sako, me anë të një buletini “Tepër Sekret”, informon udhëheqjen e lartë të PPSH-së dhe personalisht Hysni Kapon, për zbulimet, arrestimet dhe dënimet që janë bërë në vitin 1970.

Raport-informacioni me siglën “sekret”, i kryetarit të Degës së V-të të Sigurimit të Shtetit pranë Ministrisë së Punëve të Brendshme, Kapllan Sako, dërguar sekretarit të Komitetit Qendror të PPSH-së, Hysni Kapo

REPUBLIKA POPULLORE E SHQIPERISE SEKRET

MINISTRIA E PUNEVE TE BRENDESHME EKZEMPLAR Nr. 1

DREJTORIA E PARE Tiranë më 12.6.1970

Nr. 2415

B U L E T I N I Nr. 1

– Në muajin Dhjetor 1969, përfunduan hetimet në drejtim të grupit armiqësor të rrethit Kukës, që përbëhej nga 11 të pandehur. Në muajin Mars 1970, çështja u gjykua nga gjykata e rrethit Kukës e cila në seancë të hapur gjyqësore dhe me pjesëmarrjen e masave punonjëse, demaskoi veprimtarinë e tyre armiqësore, duke dënuar të pandehurit: Raif Elezi me 15 vjet heqje lirie, Bajram Gjanën me 13 vjet, Avdi Gjanën me 9 vjet, ndërsa të tjerët me afate të shkurtra burgimi. Gjykimi provoi plotësisht se të pandehurit në bashkëpunim me njëri tjetrin, kishin zhvilluar agjitacion dhe propagandë kundër pushtetit popullor, duke diskutuar edhe për organizimin e një kryengritje të armatosur në rrethin e Kukësit, ishin përgatitur për të kryer akte terrori kundër Udhëheqjes së Partisë dhe të Shtetit e mbanin armë zjarri e lëndë eksplozive.

– Në këtë proces u implikuan 27 persona ndaj të cilëve, paralelisht me hetimin, mbasi u bë diferencimi, u bë këshillimi, u pyetën si dëshmitarë, u demaskuan dhe masa të tjera operative.

– Në muajin Prill 1970, gjykata popullore e rrethit të Tepelenës dënoi me 25 vjet heqje lirie të pandehurin Izet Gumenin nga katundi Gusmar, për arsye se në dhjetor 1945, në bashkëpunim me bandën e kriminelëve Lahe Nuro, Izet Vrazhdo dhe Ahmet Kuka, kanë marrë pjesë në kryerjen e aktit të terrorit duke vrarë Sekretarin e Partisë të Kurveleshit, Selman Lamen.

– Po kjo gjykatë dënoi me 15 dhe 8 vjet heqje lirie, të pandehurit e tjerë, Dervish dhe Daut Gumenin të cilët në bashkëpunim me të pandehurin Izet, zhvillonin agjitacion dhe propagandë kundër pushtetit popullor dhe se nuk kishin treguar aktin e terrorit që kishte kryer ky i fundit, për të cilin ishin vënë në dijeni kohë më parë.

– Një nga dëshmitarët e akuzës për aktin e terrorit të kryer nga i pandehuri Izet Gumeni, ishte dhe i riatdhesuari Mustafa Korocka, i cili gjithashtu u dënua nga gjykata e rrethit të Vlorës me 25 vjet heqje lirie për tradhti ndaj atdheut dhe për një vrasje që kishte kryer në vitin 1948 në kohën e arratisjes së tij.

– Në muajin Mars 1970 u dënuan nga gjykata e rrethit të Tiranës për krimin e agjitacionit e propagandës kundër pushtetit popullor, të përvetësimit të pasurisë socialiste dhe kontrabandës, grupi prej pesë vetësh i përbërë nga Dhimitër Heqimi, Sofokli Heqimi, Gjergji Mole, Sami Gjyzeli dhe Shaqir Vorpsi.

– Dhimitër Heqimi, Gjergji Mole dhe Shaqir Vorpsi që ishin dhe më kryesorët në këtë grup, u dënuan me 8, 10, e 9 vjet, ndërsa të tjerët me afat më të shkrutër privimi lirie.

Për më shumë bëhu pjesë e grupit më viral në Facebook, Dosja.al

– Nga 25 personat e implikuar në këtë proces për krime të ndryshme, duke pasur parasysh përbërjen politike të secilit dhe shkallën e kompromentimit në krim, një pjesë u pyetën me cilësinë e dëshmitarit, ndërsa për të tjerët u morën masa këshillimi, demaskimi dhe masa të tjera operative.

– Në muajin Prill të vitit 1970, u dënuan nga gjykata popullore e rrethit të Tiranës, për përvetësimin e pasurisë socialiste në përpjestime të mëdha, të kontrabandës së cilësuar dhe të shkeljes së dispozitave në lidhje me veprimet e valutës dhe të arit, grupi prej 13 vetash i përbërë prej Haxhire dhe Zyber Zhegu, Mustafa Kallçiu, Lumturi Kaçini etj.

– Mustafa Kallçiu, Haxhire Zhegu dhe Lumturi Kaçini që ishin dhe kryesorët në këtë grup, u dënuan respektivisht me nga 15, 11 dhe 9 vjet heqje lirie, ndërsa të tjerët me afate më të shkurtra burgimi.

– Gjykimi i të pandehurve u bë në N.T.L.F.Z. Tiranë, ku këta kishin kryer krimet dhe zhvillimi i gjyqit luajti një rol mjaft edukativ me masat.

– Në drejtim të 20 personave të implikuar në këtë proces për krime të ndryshme, u morën masa këshillimi, demaskimi dhe masa të tjera operative.

– Të pandehurit, Kujtim dhe Durim Veledi që në bashkëpunim me njëri tjetrin zhvillonin agjitacion e propagandë edhe në formën e bisedave për arratisje jashtë shtetit e të dëshirës për të kryer akte terrori në drejtim të Udhëheqjes së Partisë e të shtetit si dhe për armën që mbanin pa leje, u gjykuan dhe u dënuan me nga 10 dhe 3 vjet heqje lirie.

– Kohët e fundit përfunduan hetimet kundër të pandehurve, Pashko dhe Gjin Mrruku, kushërinj të parë nga rrethi i Mirditës. Të pandehurit akuzohen se në vitin 1951, në bashkëpunim me njëri tjetrin për motive të dobëta dhe nën ndikimin e dajos së tyre, kriminelit Marka Doda, arratisur jashtë shtetit, kanë vrarë………. të pandehurit Pashko,………..në rrethin e Matit.

– Më datën 30 Maj 1970, organet e punëve të brendshme të rrethit të Korçës, kapën në flagrancë duke tentuar për t’u arratisur jashtë shtetit në Greqi, të rinjtë 18 vjeçar, Edmond Naumi, Ilia Stojani dhe Kastriot Peçi, që të tre nga qyteti i Tiranës.

– Hetimet në drejtim të të pandehurve vazhdojnë me qëllim që të zbulohen shkaqet që i çuan këtë të rinj në kryerjen e këtij krimi.

– I dënuari, Niko Pandi Sholla, që më datën 21 Maj 1970 mundi të arratisej nga kampi i riedukimit Bulqizë, më datën 29 Maj 1970, mbasi u plagos rëndë në të dyja këmbët nga populli dhe forcat që ishin vënë në ndjekje të tij, u kap prej tyre në sektorin Suç të rrethit të Matit dhe është shtruar në spital për t’u mjekuar.

– Gjatë tremujorit të dytë të vitit 1970, me sanksionim të Prokurorisë së Përgjithshme, në rrethe te ndryshme, për krimin e agjitacionit dhe propagandës kundër pushtetit popullor, janë arrestuar gjithsej 16 persona, nga të cilët 6 janë të shtresës së pasur dhe kulakë. Ndërmjet këtyre është dhe kulaku Petrit Allamani nga rrethi i Matit, i cili në deponimet e deritanishme për krimin e agjitacionit e propagandës, implikon rreth 15 persona me përbërje të keqe dhe kulakë.

– Paralelisht në hetimin në drejtim të këtyre implikimeve, janë marrë masat e nevojshme për verifikim.

– Gjatë këtij 5-mujori nëpërmjet komisionit të incidenteve kufitare u kthyen në Jugosllavi 12 kosovarë të ardhur ilegalisht në vendin tonë me pretekst për të vazhduar shkollën. Theksojmë se me ta është bërë një punë skjaruese e bindëse për kthim (jo operative), dhe si rezultat i kësaj, ata nuk kanë pasur kundërshtim për t’u kthyer në Jugosllavi.

– Po kështu më datën 26 Maj 1970, organet tona, me kërkesën e tyre, dhe meqenëse paraqitnin dyshime, nxorën jashtë kufirit shtetëror, duke i nisur për në Gjermaninë Perëndimore, shtetastit grekë, Paskal Nikolla Sokolaqis dhe Jorgo Dhimitër Jogridhis./Memorie.al

KRYETAR’I DEGES SE V-TË

(KAPLLAN SAKO)

Aktualitet

Kronikë e një arrestimi të paralajmëruar

Nga Lutfi Dervishi

Në ditën kur supozohej ta arrestonin, ai u zgjua në orën 5:30 të mëngjesit dhe bëri një vrap të lehtë në të njëjtën shteg të parkut të liqenit ku kishte nisur prej javësh ushtrimet fizike, veçse atë ditë ajri dukej më i ngarkuar, a thua se ishte mbushur me pëshpëritje e thashetheme për një ngarje të madhe që pritej të ndodhte.

Për javë e muaj me radhë, që nga gushti i vitit të shkuar, kryeqyteti nuk ishte bllokuar nga trafiku, por nga parashikimet e analistëve, gazetarëve dhe komentatorëve politikë, të cilët paralajmëronin me një siguri profetike dhe kënaqësi që nuk e fshihnin dot se Ai, një politikan jo pa ndikim, do të arrestohej së shpejti.

Një tufë të ftuarish dhe tuafësh televizivë nën regjinë e moderatorëve gjithnjë të habitur, flisnin sikur të kishin qenë prapa kurrizit të gjykatësit që kishte firmosur urdhërin e arrestit. Detajet shkonin deri aty sa jepej jo vetëm ora, dhe vendi, por edhe se si do të ndodhte arrestimi.

Kafetë, që zakonisht gumëzhinin nga zhurma e ekspresit ishin shndërruar në falltore. Kokat e klientëve lëviznin sa nga filxhanet e kafeve te ekranet e mëdhenj duke, pritur me stoicizëm rënien e njeriut që kishte ecur në korridoret e pushtetit për 30 vjet me lehtësinë e dikujt që besonte se ishte i paprekshëm. “Durim a derëzi. Është vetëm çështje kohe,” “Akuzat mund të jenë të dobta, por provat janë shumë të forta”..

Gazetat, që në këtë vend historikisht kanë thënë vetëm të vërtetën, edhe të shtunen dolën me tituj të mëdhenj për arrestimin. Drejtuesit e emisioneve të mengjesit lexonin titujt si skenat përfundimtare të një drame politike që pritej të ndodhte orë e çast. Titujt që lexoheshin nga televizionet në mëngjes i referoheshin bisedave të darkës në ekran ku shkëlqenin fytyrat serioze të analistëve që analizonin çdo lëvizje të kaluar të Atij si të ishte një gjurmë që zberthente enigmën që do të çonte në fundin e tij të pashmangshëm.

Por në rrugë, jeta vazhdonte me ritmin e saj të zakonshëm. Leku, monedha vendase kishte shtrirë përtokë dhe po i merrte frymën euros dhe dollarit. 30 mijë profesionistë të lirë po lexonin faturat e Tatimeve per fitimin e 2024. Paradhenie! Qeveria vijonte me numërimin e turisteve që vinin nga vendet e BE-se, ndërsa Eurostat numëronte shqiptarët që kërkonin azil në BE!

Dita zgjatej çdo ditë me minuta në kurriz të natës, ndërsa entuziazmi i mëngjesit zbehej nën peshën e diellit të pasdites. Por me rënien muzgut, rritej siguria e babavangave të banaqeve televizive.

Ndërkohë ai e mbylli ditën e ngjeshur me aktivitete fizike dhe postime në Facebook. Në orët e vona u pa në një kafe në qendër të Tiranës, duke qeshur me zë të lartë mbi një filxhan makiato. Njerëzit rreth e rrotull kishin porositur kafe turke, në një përpjekje për të lexuar fatin e tij.

Mbrëmja erdhi dhe shkoi, dhe asnjë sirenë nuk u dëgjua, përveç sirenave të ambulancave që pas djegies së urgjencës silleshin të çoroditura sa nga një spital në tjetrin. Drama nuk ndodhi.

Gazetarët e kronikës që prisnin me minuta ngjarjen e madhe befas u qetësuan si pëllumbat që çukisnin copa buke në sheshin e para Universitetit. Diçka nuk shkonte mire me burimet. Spektakli i pritur nuk ndodhi.

Ndërsa nata zbriti mbi Tiranë, një erë e freskët fëshfërinte përmes rrugëve, ndoshta si një ndjesë për stuhinë që kurrë nuk erdhi. Analistët nga istikamet e tyre në ekran i bënë thirrjen e radhës prokurorisë të mos luante me parashikimet e tyre, ndryshe do të përballeshin me zemërimin popullor.

Po afroheshin Pashkët dhe vendi (bashkë me njerëzit) e meritonte një shi (dush) të mirë.

Continue Reading

Aktualitet

Rënia e euros/ Këmbehet me 100 lekë, goditja më e madhe që nga korriku i vitit të kaluar

Që nga data 23 prill, 1 euro po këmbehet mesatarisht në nivelin e 100 lekëve. Statistikat e Bankës së Shqipërisë tregojnë se monedha evropiane është në pikën më të ulët në historikun e këmbimit që nga korriku i vitit të kaluar, atëherë kur ishte edhe piku i sezonit turistik.

Në atë periudhë Banka e Shqipërisë vendosi të ndërhyjë në treg duke rritur kufirin e blerjes së eurove si pjesë e operacioneve për të mbushur rezervat e saj valutore. Kjo solli menjëherë vlerësimin e së monedhës evropiane.

Por, pavarësisht faktit se Banka e Shqipërisë vendosi sërish ta mbajë të lartë kufirin e blerjes së monedhës evropiane gjatë këtij viti në 250 – 330 milionë euro, monedha kombëtare po shkon drejt thyerjes së barrierës psikologjike, ku 100 lek do të kushtojnë më shumë se 1 euro. Kjo po ndodh prej kohësh me dollarin, që vijon uljen në mënyrë të ndjeshme, aktualisht duke u këmbyer me 0.93 lek.

Banka e Shqipërisë ka vlerësuar se leku i fortë ka ndihmuar në stabilizimin e inflacionit dhe çmimeve, duke marrë parasysh se dollari ndikon drejtpërdrejt tek çmimi i naftës dhe lëndëve të tjera të para, ndërsa euro tek importi i mallrave.

Në raportin e stabiliteti financiar për gjashtëmujorin e dytë Banka e Shqipërisë pranon se mbiçmimi i lekut është në përputhje të plotë me rritjen e konsiderueshme të prurjeve valutore nga turistët, ndërsa për herë të parë gjatë vitit të kaluar deficiti i llogarisë korrente ishte pozitiv; kjo do të thotë se më shumë euro mbetën në vend se dolën.

Ndërsa kjo po vijon edhe në tremujorin e parë të këtij viti ku më shumë se 1.5 milion turistë kanë ardhur në vend, me sezonalitetin e turizmi të shtrirë gjatë gjithë vitit.

Continue Reading

Aktualitet

VIDEO/ Mbetën të bllokuar në det, shpëtohen 11 turistë në Vlorë

Policia Kufitare dhe Roja Bregdetare kanë shpëtuar 12 shtetas, nga të cilët 11 turistë nga vende të ndryshme, të cilëve ju rrezikohej jeta në mjetin lundrues që kishte pësuar defekt në det.

Pronari i mjetit lundrues u ndëshkua me masë administrative 100 000 lekë, ndërsa mjeti lundrues i tij u bllokua, pasi nuk ishte i pajisur me Çertifikatën e Operatorit Turistik Detar.

Njoftimi i Policisë së Vlorës:

Policia Kufitare dhe Roja Bregdetare shpëtojnë 12 shtetas, nga të cilët 11 turistë nga vende të ndryshme, të cilëve ju rrezikohej jeta në mjetin lundrues që kishte pësuar defekt në det.

Pronari i mjetit lundrues u ndëshkua me masë administrative 100 000 lekë, ndërsa mjeti lundrues i tij u bllokua, pasi nuk ishte i pajisur me Certifikatën e Operatorit Turistik Detar.

Shtetasi E. L., 30 vjeç, banues në Vlorë, ka kërkuar ndihmën e Policisë pasi përballë porit të Vlorës, mjeti i tij lundrues, kishte pësuar defekt në motor.

Continue Reading

Aktualitet

VIDEO/ Momentet e fundit të dy viktimave në Kurbin, zetori rrokulliset dhe…

Pamjet e një aksidenti të rëndë që ka ndodhur në 10 Prill në Fushë-Kuqe të Kurbinit janë publikuar duke shfaqur momentet e fundit të dy personave që mbetën të vrarë pas incidentit.

Siç duket edhe në video, zetori me të cilin udhëtonin 60-vjeçari Ismajl Ismaili dhe 21-vjeçari Gjin Muhaj, të dy banues në Mirditë, përmbyset dhe bie në kanal.

Nuk është e qartë se përse zetori ku ndodheshin dy viktimat është përmbysur duke sjellë edhe vdekjen e tyre, por dyshohet se drejtuesi ka humbur kontrollin për një moment.

 

 

Të dy ishin nisur për të punuar tokën e 60-vjeçarit, i cili kishte punësuar të riun, por të dy humbën jetën pasi nuk kanë arritur të shpëtojnë pasi zetori i ka zënë poshtë.

Continue Reading

Aktualitet

Vrau një shqiptar në Gjermani dhe rrëmbeu një tjetër në Belgjikë, Interpol në kërkim të vrasësit turk me “armë të artë”

Gjermania në bashkëpunim me agjencinë ndërkombëtare të policisë Interpol, kanë shpallur në kërkim një vrasës 30-vjeçar të quajtur, Ferhat K. Ky i fundit është cilësuar si vrasësi me “armë të artë”, pasi përdor një pistoletë ari për vrasjet e tij. Ferhat K., i cili dyshohet se ishte vrasës i bandave të drogës dhe i qëllon viktimat e tij në kokë dhe penis, mendohet se është arratisur në Turqi.

Autoritetet gjermane pas nisjes së hetimeve për vrasjen e 27-vjeçarit shqiptar Alonso Hysneli alias Reols Hysneli, trupi i të cilit u gjet pesë muaj më parë pranë qytetit Utersen, u vunë në ndjekje të Ferhat K. si autori kryesor i dyshuar

Shqiptari u qëllua me plumb në kokë dhe u ekzekutua si pasojë e një mosmarrëveshjeje për shpërndarjen e drogës në një bar nargjilesh të pashfrytëzuar. Raportohet se Ferhat K. ka rrëmbyer për herë të fundit një shqiptar në Belgjikë duke e qëlluar më pas, ndërkohë që viktima mezi ka shpëtuar pas disa operacioneve.

Në vitin 2016, ndërsa Ferhat K. donte të merrte të fejuarën e tij Aline P. nga një diskotekë, se ai ka plagosur lojtarin e skuadrës St. Paul, Armin B., duke e qëlluar në penis. Vrasësi me “armë të artë” të cilit në dosje i gjenden edhe precedentët penalë, është dënuar me 5.5 vite burg për vrasje të mbetur në tentativë, plagosje të rëndë dhe armëmbajtje pa leje. Ndërkohë para vendimit ai u largua drejt Turqisë.

Continue Reading
Advertisement

TRENDING