Dalin jashtë kontrollit protestat në Serbi

Në GO Novi Beograd, qytetarët filluan të mblidheshin, dhe një grup më i madh njerëzish nga Zemuni mbërriti gjithashtu.

Nuk ka policë të uniformuar në qendër të qytetit. Pesë qytetarë nga Vërbasi që ishin dje në protestë, u arrestuan gjatë ditës.

Qendra e Beogradit për të Drejtat e Njeriut ka akuzuar policinë se ka mbrojtur vetëm anëtarët e partisë së Vuçiç gjatë protestave të fundit në Serbi, ndërsa ka lënë protestuesit antiqeveritarë pa mbrojtje.

Ata përmendin protestën paqësore në Vërbas më 12 gusht, kur aktivistët e SNS-së hodhën fishekzjarrë, shishe dhe tulla drejt turmës, ndërsa policia mbeti pasive.

Për shkak të kësaj situate, ata kanë ngritur padi penale kundër disa oficerëve të panjohur të policisë, duke pretenduar se ky ishte një akt kriminal.

Qendra deklaron se policia veproi gjithashtu në mënyrë të njëanshme gjatë protestave të mbrëmshme në disa qytete, dhe se trajtimi mizor i qytetarëve është regjistruar në video.

Trazirat shpërthyen mbrëmë në Novi Sadi dhe Beograd, ku qytetarët u mblodhën pasi mbështetësit e Aleksandar Vuçiç sulmuan protestuesit në Vërbas dhe Baçka Pallanka.

Protestat në Serbi filluan pas tragjedisë më 1 nëntor 2024, kur shembja e një tendë në stacionin hekurudhor të Novi Sadit mori 16 jetë. Pothuajse një vit më vonë, përshkallëzime të tilla sugjerojnë gjithashtu se regjimi ka vendosur të përdorë forcën kundër protestuesve gjithnjë e më shpesh.