Daniel Serwer apel SHBA-së dhe thirrje Kosovës, ja kush duhet favorizuar

Profesori amerikan, Daniel Serwer ka reaguar pas kërcënimeve të presidentit të Serbisë Aleksandër Vuçic ndaj Perëndimit, duke apeluar SHBA-në që të favorizojë miqtë e saj në Ballkan.

‘Serbia nuk do të shkëputet nga Rusia’ – Kështu thotë Serwer në një shkrim pas lëvdatave që ambasadori amerikan në Serbi, Christopher Hill i ka bërë presidentit Vuçiç dhe bashkëpunimit me ushtrinë serbe. Ai gjithashtu ka dhënë edhe arsyet e bashkëpunimit të Serbisë me SHBA-në dhe NATO-n, për çka thotë se i shërbejnë interesave të saj dhe Moskës.

“Ambasadori i SHBA-së në Beograd ka lavdëruar bashkëpunimin me Ushtrinë serbe, edhe pse presidenti i Serbisë e ka bere të qartë qëllimin e tij për të pushtuar Kosovën në një moment kur ai do ta shoh të favorshëm. Si mund të qëndrojnë të dyja këto të vërteta? Asnjë enigmë e madhe. Serbia bashkëpunon me stërvitjet e SHBA-së dhe NATO-s për dy arsye. Së pari, ata ofrojnë trajnime të mira, të cilat rusët nuk janë në gjendje ti ofrojnë. Performanca e ushtrisë ruse në Ukrainë është përmirësuar, por humbjet e saj janë thjesht kolosale. Askush nuk do të donte t’i imitonte ata. Së dyti, stërvitjet e NATO-s ofrojnë mundësi të shkëlqyera për të mbledhur informacione nga inteligjenca. Kjo do të shërbejë mirë në çdo veprim ushtarak Serbisë kundër forcave të udhëhequra nga NATO në Kosovë. Beogradi, pastaj pa dyshim, gjithashtu i dërgon këto informacione sekrete te inteligjenca e Moskës” – ka shkruar Serwer.

Siç tha ai, pak më e vështirë për t’u kuptuar është referenca e Hill për  Forcën e Sigurisë së Kosovës (FSK) me UÇK ( Ushtria Çlirimtare e Kosovës). “UÇK-ja u demobilizua pas luftës së vitit 1999. FSK-ja që ekziston sot është rezultat i trajnimeve amerikane dhe britanike. Ambasadori amerikan në Beograd e di shumë mirë këtë. Referenca e tij për UÇK-në ka për qëllim të sinjalizojë se ai pajtohet me qeverinë serbe se FSK-ja është jo legjitime. Sipas tij, Uashingtoni duhet të rishqyrtojë përpjekjet e tij të gjata për të gjykuar Vuçiçin dhe Perëndimi duhet të kundërshtojë ambiciet etno-territoriale ruse dhe serbe, dhe jo t’i inkurajojë ato.

“Kjo përkëdhelje ndaj Vuçiç është bërë sjellje e paracaktuar në Beograd. Pyetja është pse tolerohet në Uashington. Mendoj se ka arsye, që nuk kanë gjasa të jenë të mira. Asnjë sasi shuplakash nuk do ta ndryshojë vendimin e Beogradit për t’u lidhur me Moskën. Vuçiç e ka bërë të qartë, se ai synon të merr mbrapsht një pjesë të Kosovës sapo ti jepet rasti. Çdo marrëveshje në Ukrainë për t’i dorëzuar territorin Rusisë do ta ofrojë këtë mundësi.  Politika amerikane duhet të kthehet në favorizimin e miqve të saj në Ballkan dhe kundër armiqve të saj. Kjo nuk duhet të jetë shumë e vështirë për t’u bërë. Dyfishoni suksesin, jo dështimin” – vijoi profesori amerikan dhe theksoi se janë disa gjëra që duhet të bëhen e që i rendit si në vijim.

“Së pari, prioritet drejtësisë, mundësisht në Kosovë, për organizatorët dhe autorët e incidentit terrorist të 24 shtatorit në Banjskë.

E dyta, Prishtina të marrë mbështetjen që i nevojitet jo vetëm për anëtarësimin në Këshillin e Evropës dhe lehtësimin nga “pasojat” e vjetruara dhe kundërproduktive të BE-së, por edhe për hapjen e negociatave për anëtarësimin në NATO.

E treta, do të ishte gatishmëria për të denoncuar çdo mashtrim në përgatitje për përsëritjen e ardhshme të zgjedhjeve të Beogradit.”