Deklarata tronditëse e Trendafilovës dhe ‘mbrojtësi’ i Thaçit/ Bytyçi ‘godet’ Dardanin

Kryetarja e Dhomave të Specializuara të Kosovës në Hagë, Ekaterina Trendafilova, gjatë një diskutimi me shoqërinë civile në Prishtinë, ka thënë se Gjykata Speciale mund të japë edhe dënime me burgim të përjetshëm.

Kjo deklaratë e saj, normalisht që është tronditëse për të akuzuarit, kreret e UÇK-së që tashëm gjendet në Hagë.

Por, praprakisht, në kundërshtim të vizitës së Trendafilovës, PSD-ja e cila është mbështetur nga veteranët e luftës, ka mbajtur një protestë në Prishtinë, ku edhe u arrestua Dardan Molliqaj dhe disa zyrtarë të tjerë të PSD-së.

Për këtë protestë, ka reaguar edhe profesori dhe analisti politik Enver Bytyçi.

Ai tha se, Dardan Molliqaj thirri sërish protestë kundër shefes së Gjykatës Speciale në Hagë, për të kundërshtuar jo vetëm gjykimin e ish-krerëve të UÇK-së, por edhe ekzistencën e kësaj gjykate! Thirrjes së tij iu përgjigjën edhe disa veteranë të Ushtrisë Çlirimtare të Kosovës.

“Pse Molliqaj duhet të bëhet organizator dhe protagonist e protestave kundër Gjykatës Speciale të Kosovës në Hagë? Ai nuk përfaqëson asnjë lloj kontributi në luftë. Nuk është kryetar i ndonjë partie konservatore, e cila mund të ishte kundër gjykatave të tilla, të cilat cënojnë sovranitetin e vendit. Ai është kryetar i një partie liberale, e cila edhe sovranitetin, edhe legjitimitetin e konsiderojnë çeshtje relative, jo tabu. Ndaj Molliqaj është hapur për shkëmbim territoresh, ndryshim kufijsh dhe ndarjen e Kosovës” –  ka thene profesor Bytyçi duke pyetur se me çfarë lidhet rezistenca e tij kundër gjykatës në fjalë, përveçse me akuzat ndaj qeverisë së Kosovës.

“Lidhet me pikëpamjet e njëjta me ish-liderin e UÇK-së dhe ish-presidentin e Kosovës, Hashim Thaçi, përsa i përket ndarjes së Kosovës për ta shpërblyer Serbinë e Millosheviçit dhe të Vuçiçit për genocidin dhe krimet e tmerrshme që ata bënë në Kosovë në vitet 1998-1999! Lidhet gjithashtu me miqësinë me ish-shefin e gruas së tij dikur ministre e Arsimit në Tiranë, pra me Edi Ramën”, potencoi Bytyçi.

Fakti që Molliqaj është kaq aktiv për të punuar kundër territorit të Kosovës, sipas profesorit, do të thotë se ai sovranitetin dhe integritetin territorial të shtetit e sheh të cënueshëm.

“Atëherë duhet besuar se Dardan Molliqaj i shërben një kauze të cënuar rëndë me shkuarjen e Hashim Thaçit në Hagë. Kjo do të thotë se nëse Hashimi nuk do ishte marrë në përgjegjësi penale nga kjo gjykatë, Dardani nuk do të protestonte kundër kësaj gjykate. Sepse as mentori i tij, Edi Rama, nuk do ta këshillonte të mbronte p.sh Jakup Krasniqin!” – ka theksuar profesori dhe analisti politik, Enver Bytyçi.