Connect with us

Sociale

“Denoncimet e bashkëpunëtorëve të Sigurimit që vinin në shtëpinë tonë, për të…”/ Dëshmia e ish-inxhinierit ushtarak

Published

on

Dashnor Kaloçi/ Publikohen disa nga historitë e panjohura të Sajmir Malokut, ish-inxhinier ushtarak që ishte diplomuar me ‘Medalje Ari” në Universitetin e Tiranës, i cili u arrestua nga Sigurimi i Shtetit më datë 13 maj të vitit 1976, në prani të 600 vetave në një sallë të madhe kinemaje në qytetin Burrelit, me akuzën si “agjent i mundshëm i Zbulimit Britanik dhe për agjitacion e propaganda kundër pushtetit popullor si dhe ndaj regjimit komunist”.

Lidhur me shkakun e vërtetë të arrestimit të tij, Sajmir Maloku dëshmon: “Për arsye se Televizioni Publik Shqiptar transmetonte vetëm 4 orë emission televiziv në ditë, unë në vitin 1970 duke lexuar mjaft literaturë të huaj shkencore arrita të ndërtoja një pajisje të thjeshtë elektronike televizive (shndërrues të sinjaleve televizive të Bandës UHF në VHF). Kjo shpikja ime bëri të mundur që populli shqiptar në të ardhmen të shikonte lirisht emisionet e stacioneve televizive italiane dhe jugosllave të Bandës UHF sidomos në zonat malore dhe bregdetare të vendit tonë.

Pyetja e parë që më bëri mua hetuesi në seancën e parë hetuesore ishte: “Ti je spiun i famshëm i Perëndimit, ashtu si Mata Hari. Na trego ore armik i poshtër veprimtarinë tënde agjenturore me Agjenturat e Fshehta të 17 Vendeve të Huaja Perëndimore dhe të Botës”. Kjo për arsye se Sigurimi i Shtetit kishte dyshime të mëdha për takimet e mia me turistët e huaj gjatë 8 viteve dhe të korespodencave të shumta postare me filatelista të vendeve të mësipërme. Sot ky hetues është i gjallë.

Gjatë kontrollit të shtëpisë tonë në Tiranë dhe të dollapit tim të hotelit në Qytetin e Burrelit, Sigurimi i Shtetit gjeti dhe mori Librat e Shenjtë të Biblës dhe të Kuranit në gjuhën angleze; shumë libra dhe revista të vjetra angleze; disa fjalorë dhe blloqe me skica antenash moderne televizive; pajisjen time elektronike televizive me dy tranzistorë dhe përforcuesin e sinjaleve televizive; etj”.

Të gjitha këto e të tjera ngjarje të jetës së tij, që nga: fëmijria, shkollimi, periudha e rinisë me jetën në Tiranën e fillimviteve ’70-të, ndjekjen dhe survejimin nga Sigurimi i Shtetit, diplomimi, emërimi si inxhinier ushtarak i Ndërlkidhjes në një repart të Burrelit, arrestimin, gjyqin e demaskimin publik, hetuesinë, burgun etj, Sajmir Maloku i ka përmbledhur në një libër me titull “SI MBIJETOVA NE FERRIN KOMUNIST” (Botim i EMAL në shqip dhe anglisht), pjesë prej të cilave ai i ka dhënë për botim ekskluzivisht për Memorie.al

Vijon nga numri i kaluar

Në ato vite nga frika e Sigurimit të Shtetit edhe ato familje të pakta të kryeqytetit që kishin aparate të televizorit, i mbanin të mbyllura dyert e shtëpive të tyre, që të mos u vinin njerëz të paftuar brenda. Por në shtëpinë time vinin edhe informatorë dhe bashkëpunëtorë të fshehtë të Sigurimit të Shtetit, gjoja për të parë nga afër emisione televizive të huaja, duke u hequr sikur ishin miqtë tanë. Nga ana tjetër ata kishin bërë mjaft denoncime e dhënë shumë informacione Sigurimit të Shtetit, se çfarë ndodhte brenda mureve të shtëpisë tone, e çfarë bisedohej me njerëzit e shumtë të pranishëm të cilët edhe ata ndiqnin nga afër emisionet televizive.

Pothuajse ky ambient ishte shndërruar në qendër të madhe, sigurisht edhe fshehurazi për ndjekjen nga afër të kulturës perëndimore në mes të kryeqytetit. Gjithashtu babai dhe familja ime u thoshin njerëzve që vinin, se turistët anglezë na sillnin medikamente të shtrenjta, të cilat i’a kishin zgjatur jo pak jetën babait tim të paralizuar. Përveç kësaj, të huajt ishin treguar njerëz të mrekullueshëm e tepër humane, si gjatë viteve të Luftës për popullin shqiptar edhe tani, duke i ardhur në ndihmë një njeriu, me problemet që kishte im atë. Kjo bëri që familja ime të gëzonte famë dhe popullaritet te banorët e shumtë.

Në vitin 1973, Sigurimi i Shtetit e dërgoi dosjen time në Burrel

Ishte kjo arsyeja që unë dhe babai im flisnim fjalët më të mira për turistët anglezë, popullin Britanik, Mbretëreshën Elizabet II, Familjen Mbretërore të Saj, etj., kur hapej kjo bisedë në shtëpinë tonë me vizitorët e shumtë që vinin të shikonin programe të huaja televizive. Ardhja e shumë turistëve britanikë me banim në Angli, në Zvicër dhe në Suedi, për vizitë në shtëpinë time dhe korrespondenca zyrtare me to gjatë viteve 1965-1972, shqetësoi shumë Sigurimin e Shtetit. Për mua, Saimir Malokun, Sigurimi i Shtetit kishte hapur dosje formulare në Drejtorinë e Punëve të Brendshme të Tiranës. Në vitin 1973, kjo drejtori i’a dërgoi materialet e saj për mua Sigurimit të Shtetit të Repartit 3711 të Burrelit, ku hapet dosja e re formulare me shënimin “Sekret” Model 4, Kategoria 2 A, me nr. 1001 dhe pseudonimin armiqësorë “Patoku”.

Babait tim, Reshit Maloku, Drejtoria e Punëve të Brendshme të Tiranës i kishte hapur dosje formulare edhe atij qysh në vitin 1970. Më datë 31.07.1971, Reshit Maloku merret në përpunim aktiv 2 A dosja nr. 4383 Model 4, si agjent i mundshëm i Zbulimit Anglez me urdhër të N.D. – drejtor i Degës së Punëve të Brendshme të Tiranës. Pra, unë Saimir Maloku dhe Reshit Maloku, babai im, me urdhër direkt të kryeministrit Mehmet Shehu dhe të Drejtorisë të Sigurimit të Shtetit të Shqipërisë, ishim marrë në përpunim aktiv 2 A, si agjentë të mundshëm të Zbulimit Anglez dhe të dënoheshim si grup agjenturor tepër i rrezikshëm dhe me pushkatim.

Krijimi i dosjeve familjare apo personale sekrete të kategorisë 2 A, do të thotë se ai person mund të arrestohej në çdo kohë, edhe pa urdhër të prokurorit dhe të hetuesit të Shtetit. Dosja e familjes time ishte plot me informacione të mbledhura ndër vite nga bashkëpunëtorët dhe informatorët e Sigurimit të Shtetit në Tiranë. Koha tregoi se ishin me dhjetëra informatorë të Sigurimit të Shtetit e qytetarë të shumtë, që banonin në Tiranë e Burrel, që kishin dhënë informacione dhe deklarata, duke na akuzuar mua dhe familjen time “për veprimtari agjenturore dhe armiqësore kundër pushtetit popullor”.

Mjaft nga këto deklarata dhe informacione ishin të rreme dhe me plot shpifje të pabesueshme, që rënduan shumë në dënimin dhe torturat që ushtroheshin ndaj meje, si dhe në persekutimin e familjes time. Duhet të deklaroj se të gjithë këta turistë që erdhën në shtëpinë time, ishin njerëz të mrekullueshëm dhe mjaft humanitarë. Ata gjithmonë na thoshin: “Ju jeni një popull i vogël dhe i mrekullueshëm dhe banoni në një vend tepër piktoresk ku dalloheni për pasuri të mëdha natyrore”. Atyre nuk u pëlqente aspak të bisedohej për politikë, apo të merrnin informacione shtetërore. Ata ishin njerëz të dashur dhe të interesuar të mësonin gjuhën shqipe dhe zakonet shqiptare në veshjet popullore apo në gatimin e gjellëve tradicionale shqiptare.

Ndërkohë, informatorët dhe Sigurimi i Shtetit shpifnin për familjen time dhe për këta turistë të huaj. Siç e kam përmendur edhe më përpara, më 12 korrik të vitit 2018, Autoriteti për Informim të Dokumenteve të ish-Sigurimit të Shtetit në përvjetorin e ditëlindjes time dhe në prani të shumë ambasadorëve të vendeve të Bashkimit Europian, mediave dhe shumë ish të burgosur politikë, hapën në mënyrë publike dosjen time me shënimin: “Tepër sekret” Model 4, Kategoria 2 A, nr. 1001 për Saimir Malokun.

Ndërsa mua më kishin vënë pseudonimin armiqësor “Patoku”, si objekt i përpunimit paraprak që të mos zbulohej që unë ndiqesha e survejohesha në mënyrën më të fshehtë dhe më të sofistikuar nga Sigurimi i Shtetit për lidhje tepër të dyshimta me Agjenturën Britanike dhe atë të shumë vendeve të tjera Perëndimore. Në atë kohë Sigurimi i Shtetit dyshonte se shtëpia ime ishte baza më e madhe e Agjenturës Britanike dhe Perëndimore në Shqipëri. Këtë e tregojnë mjaft dokumente tepër sekrete të Sigurimit të Shtetit të atyre viteve, që unë në mënyrë tepër të përmbledhur, po ju informoj për disa prej tyre në mënyrë të saktë, sa më origjinale dhe të plotë dhe që janë tepër tendencioze e të mbushura me trillime e shpifje të ndyra ndaj meje dhe familjes time:

“Patoku”, pseudonimi që më ngjiti Sigurimi dhe turisti britanik në shtëpinë tonë

(Patoku – pseudonimi armiqësor i S. Malokut) 124 1) Informacion i plotë i dhënë nga A.D. në prani të dy oficerëve të Drejtorisë së Parë të Kundërzbulimit, me emrat J.S. dhe R.B. në datën 15 korrik të vitit 1972 në Tiranë, është si vijon: Unë i quajturi A.D. informoj se më datë 4 korrik të vitit 1972, paradite, në shtëpinë e Reshit Malokut, rruga “Shyqyri Bërxolli”, nr. 17, Tiranë, e ndodhur mbrapa ambasadës turke, ka shkuar një turist suedez me gruan e tij. Reshiti në atë kohë ka qenë i shtruar në Spitalin e Tiranës. Në shtëpi, nga sa di unë, ka qenë gruaja e Reshitit dhe djali i dytë, i quajtur Saimir Maloku, i cili aktualisht është student në Universitetin e Tiranës për inxhinieri dhe zotëron gjuhën angleze.

Turisti i sipërpërmendur e ka gjetur adresën me anë të një skice, të cilën i’a ka dhënë me vete para se të vinte në Shqipëri një turist anglez, i cili ka qenë në Shqipëri para dy-tre vjetësh dhe ka marrë kontakt me personat e kësaj familjeje në atë kohë duke qenë i shoqëruar me një shqiptar. Me anglezin në fjalë ka mbajtur dhe mban korrespondencë edhe djali i tretë i Reshitit, i quajtur Fatos Maloku, i cili aktualisht është ushtar në Berat. Nga sa kam mundur të mësoj, mbasi është larguar turisti suedez, i cili ka qenë më datë 4 korrik të vitit 1972 në shtëpinë e Reshitit, sa kishte parë fotografinë e Fatosit, pa e njohur atë personalisht, por sipas të dhënave të turistit anglez, menjëherë kishte thënë se “ky është Fatosi”.

Denoncimi i A.D.: Saimiri është takuar me turistin anglez te liqeni”

Një fotografi të Fatosit ai e mori me vete. Fatosi erdhi në shtëpi mbas disa ditësh. (A.D. gënjeu për Fatosin sepse fotografia ishte e imja, mbasi turisti kishte njohjeje me mua). Rreth familjes së mësipërme të Reshit Malokut, siç kam dëgjuar para disa vitesh, djali i dytë, Saimiri, duke qenë te Parku i madh te Liqeni Artificial, e duke gjuajtur peshk, është takuar me një anglez, i cili shpjegohet si shkak i njohjes së kësaj familjeje me anglezin si para dy vitesh dhe me suedezin e datës 4 korrik të vitit 1972.

Reshiti ka mbaruar Shkollën Teknike Amerikane të Fultzit. (A.D. gënjen, se unë asnjëherë nuk kam gjuajtur peshk dhe me turistin anglez jam takuar në vitin 1965 në Parkun e madh të Tiranës i quajtur Parku ose Lulishte “Rinia”). Nga sa di unë, turisti suedez ka prurë syze, letra bixhozi dhe shumë medikamente. Bëhet fjalë edhe për një radio dore, por kjo nuk është e saktë. (Këtu A.D. lë dyshime për radiotransmetuese). Gjithashtu, me sa di unë, ditën që turisti suedez ka shkuar në familjen e Reshitit, Saimiri, me kërkesën e suedezit, ka shkuar dhe ka blerë dy libra. Nuk di se i ka blerë dhe në çfarë gjuhe ishin. Të dhënat e mësipërme i kam mësuar nga familja ime dhe kryesisht nga gruaja ime H.D.

(A.D. gënjen sepse këta dy turistë nuk ishin suedezë, por qytetarë britanikë, që punonin dhe jetonin në Zvicër. Ai quhej K.B., i cili punonte pranë Fondit Monetar Ndërkombëtar dhe ka ardhur disa herë në Shqipëri edhe më pas, në muajin maj të vitit 1986 si dhe në vitin 1994, i ftuar nga qeveria shqiptare). Më poshtë është vlerësimi i dhënë nga dy oficerët e Sigurimit të Shtetit, të cilët shkruajnë: Informacioni i dhënë paraqet interes operativ për faktin se turisti “suedez”, në bazë të të dhënave si gjetjen e shtëpisë përmes një skice, njohjes së menjëhershme të Fatosit dhe marrjen e fotografisë së tij (kjo është për mua, Saimirin), dërgimin e Saimirit në blerjen e librave, ky turist duhet të jetë agjent i zbulimit anglez dhe duhet të ketë ardhur në vendin tonë me detyrë të caktuar.

Nga ana tjetër, familja e Reshitit ku ka shkuar “turisti” (veçanërisht djemtë), duket se paraqesin interes për zbulimin anglez për vendet e punës, që ata janë: Saimiri oficer dhe tani studion në universitet, ndërsa Fatosi është ushtar. Ky informacion u shtyp në tre kopje, e që do t’i dërgohet Drejtorisë të Sigurimit të Shtetit, Drejtorisë të Sigurimit të Ushtrisë dhe Drejtorisë së Parë të Kundërzbulimit në Tiranë.

“Turistët e huaj me anë të një skice, gjetën shtëpinë e familjes Maloku”

2) Shënim operativ i datës 13 .09.1972, i takimit që dy oficerët e Drejtorisë së Kundërzbulimit, përkatësisht R.B. dhe N.Ç. kanë patur me A.D. për të dhënë sqarime të mëtejshme lidhur me denoncimin që ai ka bërë për të quajturin Reshit Maloku dhe për dy djemtë e tij. Aty A.D. shpjegon se denoncimin e tij më datën 15 korrik të vitit 1972, e kishte bërë sipas të dhënave nga gruaja e tij H.D. dhe nuk ka lidhje gjinie me familjen e Reshit Malokut, por janë komshinj të vjetër. Ajo që më tërhoqi vëmendjen, tha A.D., ishte fakti se si këta dy vizitorë të huaj, burrë e grua, pa qenë asnjëherë në Shqipëri, me anë të një skice erdhën pikërisht në shtëpinë e Saimirit.

Si e njihnin këtë familje sipas rekomandimit që u kishte bërë turisti anglez dhe që kishte qenë më parë në Shqipëri? Ku e dinin ata se Reshiti ishte i sëmurë dhe i prunë medikamente për sëmundjen konkrete që ai kishte? “Ata i dhanë dhurata si dhe një radio dore, siç më tha gruaja ime H.D”. Nga ana e oficerëve të Sigurimit të Shtetit, i’u tha A.D., që ai me takt të bisedonte me gruan e tij për të mësuar hollësira lidhur me dhuratat që kanë sjellë turistët për familjen Maloku. Për këtë gjë gruaja e tij H.D. duhet të ketë takt të bisedojë me gruan e Reshitit duke i thënë se nëse i bënë përmirësim shëndeti nga ilaçet e tyre dhe, po të jenë të mira, të kërkojë përsëri.

Gjithashtu, A.D. i thashë që të interesohet të mësojë se kush hyn e kush del në shtëpinë e Reshitit; cilët janë komshinjtë e tjerë dhe çfarë marrëdhëniesh ka ai me ato; nëse ka patur raste të tjera që vizitorë të ardhur nga Anglia ose Amerika kanë ardhur në shtëpinë e Reshit Malokut; cilët janë ata dhe kur kanë ardhur. Gjithashtu, në këtë shënim operativ, u bë verifikimi i listës emërore të grupit turistik, e cila ka edhe fotografitë e secilit turist që kishte ardhur gjatë muajit korrik të vitit 1972 në Tiranë dhe i’u tregua A.D. Gjithashtu këtu është edhe lista emërore e shumë turistëve dhe qytetarëve të huaj me banim në Angli, Izrael, Itali, Zvicër, SHBA etj., të cilët nga viti 1964 e në vazhdim, kanë patur korrespondencë postare me familjen tonë.

Denoncime të kësaj natyre për takimet e familjes time me turistët britanikë janë të shumta të bëra nga informatorë dhe bashkëpunëtorë të Sigurimit, si….!/Memorie.al

Sociale

Italia kryeson me dhënien e lejeve për shqiptarët

Published

on

By

Janë gati 780 mijë shqiptarë që kanë marrë leje qëndrimi në një nga vendet e Bashkimit Europian dhe në Mbretërinë e Bashkuar gjatë periudhës 2008-2021.

Sipas të dhënave të Eurostat, të përpunuara nga Monitor, është Italia shteti që kryeson me dhënien e lejeve për këtë periudhë, me 372 mijë lejë të dhëna, ose 47% e totalit.

Pas Italisë, vendin e dytë e zë Greqia, me 258 mijë leje të dhëna, ose 33% e totalit.

Në vendin e tretë vitet e fundit ka kaluar Gjermania, që ka dhënë gjithsej 53 mijë leje, ose gati 75 të totalit. Lejet e qëndrimit të dhëna nga shteti gjerman janë rritur vitet e fundit pasi shumë shqiptarë iu drejtuan Gjermanisë për të punuar, kryesisht mjekë, infermierë, punonjës të teknologjisë së informacionit etj.

Mbretëria e Bashkuar ka kaluar në vend të katërt, me rreth 20 mijë leje qëndrimi të dhënav, por për këtë shtet Eurostat raporton të dhënat deri në 2018-n. deri atë vit përgjithësisht jepeshin 2-3 mijë lejë në vit.

Pas këtyre katër shteteve renditet Franca, me 17 mijë lejë qëndrimi të dhëna gjithsej, ose 2.2% e totalit, Ndonëse Franca është më e preferuara për kërkesat për azil nga shqiptarët, duke u renditur e para vitet e fundit, duket se shteti francez edhe pse mund të mos I përzërë, sërish është ngurrues për të dhënë leje qëndrimi.

Belgjika, Suedia Kroacia, kanë dhënë në periudhën 2008-2021 rreth 7-9 mijë lejë qëndrimi, ndërsa shtetet e tjera më pak se 3 mijë leje gjithsej.

Edhe në vitin 2021, kur u dhanë në total 55 mijë leje nga shtetet e BE-së (pa Mbretërinë e Bashkuar) Italia ishte shteti më bujar, me gati 30 mijë leje, ose 54% të totalit, e ndjekur nga Greqia me 18%.

Por, ndërsa deri në vitin 2011 kishte një diferencë të lartë mes lejeve që jepeshin nga Italia dhe Greqia në raport me shtetet e tjera, vitet e fundit diferenca është ngushtuar dukshëm duke treguar një preferencë drejt shteteve të tjera, kryesisht Mbretërisë së Bashkuar dhe Gjermanisë (shiko grafikun: Lejet e qëndrimit dhënë në vite, sipas shteteve kryesore, 2008-2021)

Ikja vazhdon

Ikja e shqiptarëve drejt vendeve të Bashkimit Europian duket se nuk ka të ndalur.

Të dhënat e Eurostat tregojnë se në vitin 2021 janë dhënë 55.2 mijë leje qëndrimi për shtetasit shqiptarë në një nga vendet e BE-së.

Në krahasim me një vit më parë, kur ky process u bllokua nga pandemia, lejet janë rritur me 47%.

Që nga viti 2008, kur Eurostat raporton të dhënat, shtetet e BE-së kanë dhënë për shqiptarë gjithsej 756 mijë shtetas shqiptarë. Duke përfshirë dhe Mbretërinë e Bashkuar shifra arrin në rreth 780 mijë Nga institucionet ndërkombëtare, numri i lejeve të qëndrimit për shtetasit e një vendi llogaritet si emigracion.

Kjo shifër është gati sa 30% e popullsisë që vlerësohet që jeton aktualisht në Shqipëri./ Monitor

Continue Reading

Sociale

‘E vrau shteti’, protestë për vdekjen e 7-vjeçares

Published

on

By

Qytetarë të shumtë kanë mbajtur dje homazhe tek Kryeministria për 7-vjeçaren Jonada Avdia që u vra tragjikisht në Potam, Himarë nga një gomone.

Dje mbrëmje në orën 20:00 janë ndezur qirinj tek Kryeministria si homazh për 7-vjeçaren që humbi jetën si pasojë e goditjes nga një gomone, në plazh.

Ngjarja e rëndë që ndodhi në plazhit e Potamit, tronditi mbarë opinionin publik. Shoqëria civile ka bërë thirrje për protestë para Ministrisë së Brendshme ditën e nesërme, 4 gusht, ndërsa theksojnë se do të kërkojnë dorëheqjen e ministrit të Brendshëm Bledi Çuçi, Drejtorit të Përgjithshëm të Policisë së Shtetit Gledis Nanos dhe ministres Kumbaro.

Në mbështetje të kësaj proteste ka dalë edhe Partia Demokratike, si dhe Partia e Lirisë.

Reagimi:

Tek Kryeministria pas ngjarjes makabre te kryer nga një punonjës me detyra te larta në Policinë e Shtetit, i cili vrau me skaf një vajzë 7 vjeçe ne breg të detit.

Të kerkojme dhe tregojme se kush është përgjegjësi dhe te kerkojme ne dritën e qirinjve, me nje buqete lulesh, me nje mesazh ne nje cope leter, pak dinjitet per veten, se e pafajshmja u largua….

Të kërkojme shkarkimin ose…

Dorëheqje e Ministrit te Brendshëm zotit Bledi Çuçi

Dorëheqje e Drejtorit të Përgjithshëm të Policisë së Shtetit zoti Gledis Nano

Dorëheqje e Ministres se Turizmit dhe Mjedisit Mirela Kumbaro.

Ngushellime familjes Avdia për humbjen e dritës së tyre, zoti ju dhëntë forcë për të kaluar këtë dhimbje që ka tronditur thellë çdo bashkombas. Zoti qoftë me ju, e shpirti i engjëllit tuaj u prehtë qiell!

Continue Reading

Sociale

Snap po planifikon të shtojë NFTs në platformë

Published

on

By

Tregu i kriptomonedhave mund të jetë në periudhën e saj më të keqe për momentin, mirëpo kjo gjë nuk po ndryshon vendimin e kompanive të mëdha teknologjike për t’u përfshirë sa më tepër në këtë treg, në rast se gjërat ndryshojnë me kalimin e kohës.

Një zhvillim të tillë po bën dhe Snapchat, që po planifikon të shtojë NFTs në platformë në formën e filtrave AR. Sipas një raporti nga Financial Times, kompania pritet të nisë këtë eksperiment me një ekip të limituar krijuesish gjatë muajit gusht. Në këtë testim, artistët do të jenë në gjendje të krijojnë NFT të reja nga platformat e tjera dhe t’i importojnë ato në Snapchat si Lenses.

Mendohet se Snapchat nuk do të përfitojë para nga krijuesit për të reklamuar NFT e tyre, në mënyrë të njejtë me InstagramTwitter dhe Facebook. Në fakt kompania po mendon për mënyra se si krijuesit mund të monetizojnë punën e tyre.

Rrjetet sociale të ndryshme kanë menduar për mënyra të ndryshme për përfshirjen e NFTs në platformat e tyre. Twitter ishte rrjeti social i parë i cili pranoi NFT në platformën e saj, duke lejuar të gjithë përdoruesit premium të përdorin NFT e tyre si një avatar.

Gjithashtu dhe Instagram tregoi se do të lejojë një grup të vogël krijuesish të testojnë shpërndarjen e NFT në Feeds, Stories apo Messages.

Continue Reading

Sociale

Shëndeti mendor, Manastirliu takim me të rinjtë

Published

on

By

Ministrja e Shëndetësisë, Ogerta Manastirliu së bashku me Ministren e Arsimit dhe Sportit, Evis Kushi, zhvilluan një takim me të rinjtë për problematikat e shëndetit mendor.

Manastirliu gjatë fjalës së saj tha se brenda vitit do të krijohen 50 qendra socio-shëndetësore.

“Ne kemi vendosur që në vitin aktual, pra 2022, të krijojmë për herë të parë modelin e ri të qendrave socio-shëndetësore. Një model i cili do të japë mundësinë që problematika të shëndetit mendor dhe vlerësimi për këto problematika të jetë që në bazën e kujdesit parësor, që është pikërisht mjekësia e familjes”, tha Manastirliu.

Ministrja e Shëndetësisë tha se theksi duhet vendosur tek parandalimi dhe rritja e ndërgjegjësimit për problematikat e shëndetit mendor.
“Ne kemi zgjeruar qendrat komunitare të shëndetit mendor por kemi ende shumë për të bërë për parandalimin. Dhe parandalim do të thotë ngritje e të gjithë strukturave, nga shkolla, në familje, në komunitet, për rritjen e ndërgjegjësimit për problematikat e kujdesit ndaj shëndetit në tërësi por edhe shëndetit mendor në veçanti”, tha Manastirliu.

Continue Reading

Sociale

Shërbimi i ri i Apple sjell një mbrojtje “ekstreme”

Published

on

By

Apple po ndërmerr disa hapa për të rritur sigurinë e personave si gazetarët, aktivistët dhe politikanët përmes një shërbimi të ri në iOS 16, iPadOS 16 dhe macOS Ventura të quajtur Lockdown Mode. Ky shërbim përmirëson sigurinë duke ndërprerë rrugët kryesore që përdoren për infektimin e pajisjeve të personave më të rrezikuar.

Lockdown Mode bllokon të gjithë dokumentet e bashkëngjitura në mesazhe, çaktivizon link preview, bllokon disa teknologji të caktuara në web browsing, bllokon ftesat për FaceTime nga numrat e panjohur, bllokon lidhjet me kabllo të pajisjes në kompjutera apo aksesorë kur pajisja është e kyçur si dhe çaktivizon mundësinë për të shtuar profile të reja konfigurimi.

lockdown_mode_ios16.webp

Këto janë fushat që janë më të ekspozuara ndaj sulmeve kibernetike të ndryshme, pasi Project Zero i Google detajoi se si iPhone-t e personave të përzgjedhur nga software-i Pegasus mund të kompromentoheshin nga një GIF në iMessage. Taktika të tjera sulmi përfshijnë përdorimin e website-ve keqdashëse për të infektuar pajisjen.

Apple e quan Lockdown Mode një “nivel ekstrem opsional” të mbrojtjes që është një përgjigje e drejtpërdrejtë ndaj software-ve “spiunë” të mbështetur nga qeveritë si Pegasus, që u zhvillua nga NSO Group.

Megjithatë, dhe në këtë nivel mbrojtjeje mund të ketë disa vende më pak të mbrojtura, dhe Apple ofron deri në $2 milionë për cilindo person që gjen dobësi të tilla në Lockdown Mode.

Continue Reading
Advertisement
Advertisement

TRENDING