Deputetja heq dorë nga mandati

Grida Duma nuk do të jetë më deputete. Ajo vendosi që të heqë dorë nga mandate i saj i trete, i marrë në prill të 2021 me Partinë demokratike. Këtë të mërkurë, nga salla e konferencave në Kuvendin e Shqipërisë, Duma tha se ky vendim vjen pas një reflektimi të thellë .

Grida Duma shtoi se ky vendim erdhi edhe për shkak të sulmeve nga politika ku sipas saj ka ndikuar edhe tek I biri.

Duma, mbajti mandatin e deputetes për disa legjislatura, ku për herë të parë doli deputete në qarkun e Tiranës në vitin 2013.

Së fundmi,ajo ka marrë angazhime personale dhe ka krijuar edhe një akademi të quajtur “G Academy” ku në focus ka mbështetjen e grave dhe fuqizimin e tyre në shoqëri.