Dështimi i madh i Kurtit me Këshillin e Evropës, do të ishte një prelud për njohjen në OKB

Analisti Shkëlzen Maliqi tha se Kosova ka dështuar në kompletimin e shtetësisë në 17 vjet që nga shpallja e pavarësisë dhe se ishte një dështim i madh mosshfrytëzimi i mundësisë për t’u anëtarësuar në Këshillin e Evropës vitin e kaluar.

“Anëtarësimi në Këshillin e Evropës do të ishte pothuajse një portë për njohje në Kombet e Bashkuara, sepse edhe vendet anëtare të BE-së që nuk e njohin Kosovën do të votonin” – deklaroi Maliqi

Siç theksoi ai, Albin Kurti nuk ka dashur që propozimin evropian për asociacionin ta dërgojë në Gjykatën Kushtetuese për vlerësim, gjë që ishte një dështim i madh i qeverisë.

“Ata nuk mundën të merrnin asnjë njohje dhe procesi i dialogut u bllokua edhe pse gjithçka pak a shumë u zgjidh në letër” – u shpreh analisti i njohur.

I pyetur nëse rrethanat e reja gjeopolitike do të funksionojnë në favor të Kosovës apo jo, Maliqi tha se kjo është një pyetje e madhe “për shkak të kaosit të krijuar nga administrata amerikane, jo vetëm ekonomikisht, por edhe në marrëdhëniet politike”.

“Çështja është nëse NATO do të mbijetojë, a do të ketë ndonjë turbulencë tjetër, kur do të përfundojë lufta në Ukrainë… Ka shumë të panjohura dhe gjithçka mund të ndodhë”, theksoi Maliqi, i cili beson

se kur bëhet fjalë për Ballkanin Perëndimor, nuk duhet të priten turbulenca të reja të mëdha.

“Problemet këtu janë më të brendshme, si në Serbi, këtu, ashtu edhe në Bosnje, Maqedoni. Këto janë ende pika të nxehta të krizës, por gjërat janë lokalizuar në një farë mënyre” – potencoi Shkëlzen Maliqi