Detajet e rënda të vrasjes së Bledar Dedjas në Itali/ I mituri rrëfen me vrasjen dhe lidhjen intime

Siç rezultoi më vonë vrasja ishte kryer nga një 17 vjeçar, i cili më herët kishte pasur një marrëdhënie intime me shqiptarin. Gazetarja Alba Kepi për “Breaking”, tha se i mituri ka deklaruar se mes tyre ka pasur një marrëdhënie homoseksuale.

Ka qenë ai që i ka kërkuar shqiptarit që ta ndalojnë këtë raport. Pas mbylljes së lidhjes, i riu ka mbyllur dhe një profil në një aplikacion që shërben për takime mes homoseksualësh. Ndërkohë disa javë më pas ka mësuar se ky profil është rihapur, duke e bërë të mendojë se ka qenë shqiptari ai që e ka bërë këtë veprim.

Nisur nga ky dyshim, ai ka kryer dhe aktin e rëndë, pasi është ndjerë i fyer dhe i përdorur prej tij. Policia po heton edhe një pistë të dytë, për të parë nëse Dedja ka tërhequr edhe adoleshentë të tjerë në këtë aplikacion. Ndërkohë asnjë reagim nga familjarët e viktimës.