DIMER I MADH/ SHBA fut duart dhe rrëzon Vuçiçin, kërcënon Putin

Presidenti i Serbisë, Aleksander Vuçic, duke folur për situatën gjeopolitike në botë, tha se pret ndryshime të mëdha me ardhjen e presidentit të sapozgjedhur amerikan Donald Trump në krye të Shtëpisë së Bardhë, por që nuk do të jenë të tilla kur bëhet fjalë për marrëdhëniet mes Beogradit dhe Prishtinës.

Ai gjithashtu ka theksuar se në çështjen e marrëdhënieve ndërmjet Kosoves dhe Serbise, edhe sikur te kete ndryshime, ato nuk do të jenë të lehta në asnjë rast.

“Pres ndryshime të mëdha në lidhje me Donald Trump, nuk po them ndryshime të mëdha në raportin tonë me Prishtinën dhe nuk pres ndryshime të lehta dhe ndryshime të mëdha, por pres ndryshime të mëdha në strukturimin e vlerave në botë. Nëse Alon Musk u largua nga Kalifornia dhe shkoi në Teksas, atëherë e keni të qartë se do të ketë ndryshime të mëdha. Unë pashë një vendosmëri të jashtëzakonshme në mesin e bashkëpunëtorëve më të afërt të Trump” – deklaroi Vucic per televizionin shteteror serb.

Duke folur për Samitin e BE-së dhe hapjen e Kllasterit 3, ai ka thënë se ka supozuar se hapja për Serbinë do të jetë në janar ose shkurt të vitit të ardhshëm.

Lidhur me njoftimin e SHBA-së se do të vendosë sanksione ndaj Industrise Serbe te Naftes për shkak të pronësisë ruse, Vuçic deklaroi se Serbia do të duhet të kërkojë zgjidhje, por se si president nuk është i gatshëm të diskutojë për vendosjen e mundshme të sanksioneve ndaj Moskës në këtë moment.

Sipas tij, Serbia mbetet konsistente ndaj politikës së paqes dhe respektimit të parimeve të së drejtës publike ndërkombëtare.

I pyetur se cilat mund të jenë pasojat e sanksioneve amerikane për Serbinë, Vucic tha se do të ishte e vështirë nëse nuk ndërmerren hapa konkretë.

“Duhet të flasim fillimisht me amerikanët, pastaj do shkojmë të flasim me rusët, duhet ta zgjidhim problemin, nuk mund ta lëmë Serbinë pa naftë në mes të dimrit, por në të njëjtën kohë do të kujdesemi që të mos i prishim marrëdhëniet me ata që vendosin sanksione” – potencoi presidenti serb duke shtuar se ky vendim është marrë në SHBA në një kohë të vështirë, siç tha ai, fillimi i dimrit dhe fundi i vjeshtës.

Ai kujtoi se ky vendim është shpallur disa herë në mënyra të ndryshme nga Bashkimi Evropian dhe se janë bërë përgatitje, por që në fund të fundit vjen nga SHBA dhe sic u shpreh ai, Serbija është njoftuar se ky vendim duhet të hyjë në fuqi më 1 janar 2025.