‘Do mbrojmë adoleshentët’/ Rama flet për mbylljen urgjente të TikTok në Shqipëri

Kryeministri Edi Rama ka zhvilluar një vizitë në shkollën “Besnik Sykja” në Tiranë, ku ka diskutuar për masat e marra për mbrojtjen e adoleshentëve nga ndikimi i rrjeteve sociale, veçanërisht TikTok.

Rama theksoi se mbyllja e këtij rrjeti social ka qenë një hap i duhur, edhe pse nuk zgjidh të gjitha problemet që lidhen me përdorimin e këtyre platformave nga të rinjtë.

Ai pranoi se, për fat të keq, nuk ka një mundësi të plotë për të pasur akses në jetën online të adoleshentëve, ku ndodhin ngjarje të cilat shpesh nuk janë të mira. Sipas kryeministrit, ndërhyrja është e domosdoshme për të garantuar sigurinë e rinisë në këtë mjedis virtual.

Edi Rama në shkollën “Besnik Sykja” në Tiranë: Do mbrojmë adoleshentët nga TikTok. Për fat të keq, ne nuk kemi akses në universin e tyre dhe në universin e tyre ka ngjarje, ku ne as që kemi ide. Unë besoj shumë se mbyllja e TikTok nuk ka zgjidhur gjithë problematikën, por ka qenë hapi i duhur për mbrojtje të adoleshentëve. Do rrisim bashkëpunimin mes fëmijëve, prindërve dhe shkollës si institucion.