Donald Trump po mendon të klasifikojë marijuanën si drogë jo dhe aq të rrezikshme

Presidenti amerikan Donald Trump thuhet se po shqyrton riklasifikimin e marijuanës si një drogë më pak të rrezikshme – një ndryshim që mund të lehtësojë kufizimet dhe të zgjerojë kërkimin për marijuanën mjekësore.

Në një mbledhje fondesh të kohëve të fundit prej 1 milion dollarësh në klubin e tij të golfit në New Jersey, Trump u tha pjesëmarrësve se ishte i interesuar të ndiqte ndryshimin, sipas Wall Street Journal.

Midis të ftuarve ishte Kim Rivers, CEO e kompanisë kryesore të kanabisit Trulieve, e cila e nxiti atë të ecë përpara me planin.

Trump më parë ka shprehur mbështetje për reformën e marijuanës, duke përfshirë mbështetjen e një mase të dështuar të votimit të Floridës në vitin 2024, për të legalizuar përdorimin rekreativ.

Zëdhënësja e Shtëpisë së Bardhë, Abigail Jackson, tha se administrata po shqyrton të gjitha implikimet politike dhe ligjore, duke theksuar se vendimet do të merren në “interesin më të mirë të popullit amerikan”.