Dy automjete përplasen “kokë më kokë” me njëra-tjetrën, një e lënduar

Një aksident ka ndodhur pak momente më parë në autostradën Lezhë-Laç.

Ngjarja ka ndodhur pranë kryqëzimit të fshatit Markomataj. Dy automjete tip “Fiat” janë përplasur me njëra-tjetrën, ku për pasojë ka mbetur e lënduar një pasagjere, e cila është dërguar për mjekim në spitalin e Lezhës.

Mungesa e ndriçimit dhe lagështira e vështirësojnë kalimin në këtë aks.

Policia ndodhet në vendngjarje dhe po analizon shkaqet e këtij aksidenti.