E qeshura e Princit bëhet virale, video gajas rrjetin

Një video në të cilën Princi William duket se po qesh është postuar në platformën popullore TikTok dhe po bën xhiron e internetit. Videoja që u publikua për herë të parë tregon trashëgimtarin 40-vjeçar të fronit britanik duke qeshur pa mundim dhe në mënyrë spontane dhe shumë fansa shkruan se “fytyra e tij kur qesh është shumë ekspresive”. Në të, Princi i Uellsit mund të shihet duke u ulur pranë një nxënësi dhe duke e pyetur atë: “A të pëlqen shkolla?” Përgjigjja ishte e menjëhershme dhe çarmatosëse: “Hej! Jo aq shumë”. Pastaj Princi William shpërtheu duke qeshur.

Shumë fansa të tij e kanë vënë re se kur qesh i ngjan shumë djalit të tij më të vogël, Princit Louis. ” Unë shoh Princin Louis kur ai qesh”, “Njëlloj si Princi Louis”, thuhej në disa nga komentet.