E RENDE/ 24 vjeçarin e plagosin me armë zjarri

Një plagosje me armë ka ndodhur mesnatën e sotme në qytetin e Kuçovës. Nga njoftimet paraprake bëhet e ditur se ngjarja ka ndodhur në rrugën e lagjes “1 Maji” në këtë qytet, ku autori me inicialet L. S., ka qëlluar disa herë me pistoletë në drejtim të Donald Grymshit. Ky i fundit është transportuar në gjendje të rendë drejt Spitalit Rajonal Berat, ku pasi ka marrë ndihmë e parë mjekësore është transportuar drejt Traumës në Tiranë. Mjekët e spitalit të Beratit konfirmojnë se i plagosuri kishte humbur shumë gjak dhe ishte në gjendje kritike për jetën. Ende nuk dihen shkaqet e ngjarjes dhe motivi se përse 24-vjeçari i plagosur, Donald Grymshi, ndodhej në qytetin e Kuçovës mesnatën e djeshme, pasi është shtetas me banim në Tiranë. Gjithashtu bëhet e ditur se në vendngjarje kanë shkuar forca të shumta policie, që po kryejnë edhe këqyrjen e vendit të ngjarjes, ndërkohë që po punohet për kapjen e autorit.