E rëndë/ 53-vjeçari tenton të vetëvaret në biznesin e tij

Një ngjarje e rëndë ka ndodhur sot në lagjen “Kushtrimi”, në Vlorë. Disa qytetarë kanë qenë dëshmitarë të një skene të rëndë. Mësohet se një 53-vjeçar ka tentuar të vrasë veten në biznesin e tij, duke u vetëvarur. Për fat të mirë ai është ndaluar në kohë, teksa tashmë ndodhet në spital në kujdesin e mjekëve.

“Sot, rreth orës 12:45, në lagjen “Kushtrimi”, në ambientet e subjektit të tij tregtar, dyshohet se ka tentuar të vetëvaret shtetasi R. T., rreth 53 vjeç. Aktualisht ky shtetas ndodhet në spital, në kujdesin e mjekëve. Grupi hetimor ndodhet në vendngjarje dhe po punon për sqarimin e plotë të rrethanave të ngjarjes”, njoftoi policia e Vlorës.