E rëndë/ E moshuara gjendet e vdekur, ja dyshimet e para

Një 70-vjeçare është gjetur e pajetë në banesë ditën e sotme në fshatin Lin.

U mësua se e moshuara jetonte e vetme ndërsa dyshohet se mund të jetë rrëzuar nga shkallët dhe ka humbur jetën.

Policia është në vendngjarje, ndërsa trupi po dërgohet në morgun e spitalit të Pogradecit për të bërë ekspertizën mjeko ligjore.

“Rreth orës 12:00, në fshatin Lin, Pogradec është gjetur në banesën e saj, nga fqinja pa shenja jete shtetasja N. Sh., rreth 70 vjeçe.

Nga veprimet e para hetimore dyshohet se kjo shtetase ka humbur jetën si pasojë e rrëzimit nga shkallët e banesës, ku jetonte e vetme.

Grupi hetimor po punon për sqarimin e rrethanave të rastit”, njoftoi policia.