E zuri korrenti në dush/ Kjo është 45-vjeçarja që humbi jetën në Durrës

Një 45-vjeçare ka humbur jetën  në Durrës pasi ka rënë në kontakt me energjinë elektrike. Mësohet se viktima e kësaj ngjarje tragjike është 45-vjeçarja Ornela Gjeçi, drejtoreshë e shkollës 9-vjeçare Rubjekë.

Ka qenë bashkëshorti i saj që e ka gjetur pa shenja jete në dush dhe e ka transportuar me urgjencë në spital ku mjekët kanë konstatuar vdekjen e saj.

Për ndarjen e saj të parakohshme nga jeta kanë reaguar miqtë dhe kolegët e shkollës që ajo drejtonte. Drejtoresha Ornela Gjeçi përshkruhet prej tyre si një grua e fortë, e buzëqeshur dhe pozitive në punën e saj.

Ata shprehin ngushëllimet për familjarët dhe thonë se një drejtuese si Ornela Gjeçi do t’u mungojë nxënësve por edhe kolegëve që patën mundësinë të punonin me të.