Eder Militao gjashtë muaj jashtë fushe

Real Madridi ka konfirmuar zyrtarisht shkallën e lëndimit të Eder Militao.Dhe tani Real Madridi ka konfirmuar se Militao ka këputur ligamentin e kryqëzuar dhe pritet të jetë jashtë fushe për gjashtë muaj.

Në një deklaratë të klubit thuhet: “Pas analizave të bëra te lojtari ynë Eder Militão, ai është diagnostikuar me një këputje të ligamentit të kryqëzuar të përparmë në gjurin e majtë”.“Lojtari do t’i nënshtrohet një operacioni në ditët në vijim”.Kjo vjen vetëm tri ditë pasi Thibaut Courtois pësoi të njëjtin lëndim.