Edith Harxhi: Në 12 maj, Rama dhe klika e tij do largohen

Kandidatja për deputete e PD-së, Edith Harxhi, në takimin me banorët e Njësisë 9 në Tiranë dhe prezencë të kryedemokratit Sali Berisha, vlerësoi këta të fundit si qëndrestarë të vërtetë që janë përballur me narkoqeverinë e Edi Ramës.

Harxhi theksoi se Edi Rama është një mashtrues klasik dhe se në 12 maj, ai bashkë me klikën e tij duhet të jenë larguar, pasi Shqipëria është e qytetarëve.

Harxhi: Të jesh qëndrestarë, është e vështirë, por qëndrestarë të vërtetë jeni ju, banorë të këtyre zonave të Tiranës. Sepse t’i bësh ballë një qeverie që të keqtrajton në çdo aspekt njerëzor, human, politik, edukativ, shëndetësor, ky pastaj hyn në gjenocid. Bravo u qoftë dhe unë përulem para jush për qëndresën që ju bëni, pavarësisht që shqiptarët vazhdojnë shpërngulen çdo ditë nga ky vend Edi Rama është një mashtrues klasik që në momentin që premton pasaportën evropiane që nuk e ka bërë realitet as hapjen e negociatave përgjatë këtyre viteteve, deri para një viti dhe mashtron shqiptarët që në 2030-tën do u japi pasaportën evropiane. Kam një mesazh që duhet të përcillet anembanë Shqipërisë. Është thirrja dhe kushtrimi i lirisë për sigurinë e pronës, sigurinë juridike, arsimore, shëndetësore dhe në radhë të parë siguri për dinjitet njerëzor. Në 12 maj, Edi Rama dhe klika e tij duhet të jenë larguar dhe ky vend është i qytetarëve.