Eksperti i merkatos tregon skuadrat që Chelsea refuzoi për Armando Brojën

Armando Broja është pjesë e rëndësishme e Chelsea-s në Premier League. Kontrata e 22-vjeçarit deri në verën e 2028 si dhe këmbëngulja e Bluve të Londrës për ta mbajtur në ekip, ka sjellë edhe reagimin e ekspertit të merkatos, Fabrizio Romano. Italiani tregon se klubi londinez ka refuzuar oferta nga Milani dhe West Hami, duke dashur t’i besojë minuta sulmuesit të Kombëtares kuqezi. “Kishte kontakte verbale nga Milani, West Hami dhe një tjetër klub gjatë kësaj vere për Brojën, por Chelsea vendosi që të mos i diskutonte këto propozime pasi ata dëshironin të besonin te Armando me bordin drejtues dhe Pochettinon në të njëjtën linjë mendimi”, ka shkruar Fabrizio Romano.

Kujtojmë se pas nëntë muajve Broja u rikthye në fushë për Chelsea-n nga një dëmtim i rëndë në gju. Trajneri Pochettino i dha disa minuta në fundin e ndeshjes kundër Aston Villës fundjavën e shkuar në “Stamford Bridge”, fituar nga miqtë 0-1.