Ekzekutoi 3 gra/ Dan Hutra tregon varrin që i kishte hapur vetes

Dan Hutra është autori i vrasjes së 3 grave dhe plagosjes së 3 të tjerave më 1 mars, teksa më në vitin 2007 ka vrarë edhe gruan e parë. Pas ngjarjes së marsit, Hutra tashmë i arrestuar, ka deklaruar se kishte hapur një varr në zonën e Sharrës për veten e tij.

Autori i ngjarjeve makabre ka rrëfyer se në këtë varr do të fshihej vetë pasi të vriste edhe shtetasin Rrahman Selës. Hutra e akuzon Selën se ka marrë pjesë në vrasjen e babit të tij. Ndërkohë Sela është shprehur se nuk ka asnjë lidhje me akuzat e bëra dhe se i ka duart e pastra.

“Pasi do vrisja Rrahmanin, kisha hap një varr edhe do futesha atje në varr. Të çoheshin këta në daç me helikopter, në daç me… nuk do më gjenin dot ore. Në Sharrë. E kisha hapur natën, nja 2-3 netë para se me ashtu ato. Do vrisja Rrahmanin, do futesha pastaj atje ose do dorëzohesha. Edhe mund të dorëzohesha. Se pas Rrahmanit s’kisha më. Është shumë larg. Shiko, unë e kisha llogarit vrasjen e Rrahmanit do dilja poshtë aty ku më ka kapur policia, do dilja do futesha poshtë te rruga poshtë te varrezat, do futesha te varrezat, është shumë larg varri që e kam hapur. Unë jam futur brenda, e kam provuar veten a më merr a s’më merr”, u shpreh Dan Hutra.