Piratë të armatosur tentojnë të marrin peng anijen turke në Napoli

Forcat speciale italiane kanë ndërhyrë për të parandaluar një sulm në një anije mallrash që lundronte nga Turqia në Francë, pasi 15 emigrantë me thika tentuan të marrin peng anijen teksa lundronte në Gjirin e Napolit. Operacioni special u zhvillua në Detin Tirren, në brigjet e Napolit, nga ku forcat policore të Marco Marina zbritën nga helikopterët për të neutralizuar grupin e emigrantëve që kishin sulmuar anijen Galata Seaëays, bën me dije agjencia e lajmeve italiane Ansa. Anija, e cila ishte nisur nga porti Topcular në Turqi më 7 qershor, po udhëtonte drejt Francës në portin e Sete dhe ishte planifikuar të mbërrinte të shtunën. Mirëpo gjatë udhëtimit anija u sulmua nga 15 emigrantë “piratë”, të cilët ishin të pajisur me thika. Me të marrë informacion ushtarët italianë bllokuan menjëherë një pjesë të grupit të sulmuesve që kishin ende me armë në dorë.