Emri/ Aksident në Itali, humb jetën 21-vjeçari shqiptar

Quhej Letija Xhemal, 21 vjeçe me origjinë shqiptare, i riu që humbi jetën në një aksident në Besozzo (Varese) mbrëmjen e djeshme. Ngjarja ka ndodhur rreth orës 01:30 kur i riu ka përplasur makinën e tij në një mur në via Gorini.

Sipas mediave vendase, disa banorë të zonës, të alarmuar nga zhurma e madhe, u larguan nga shtëpia me frikën se diçka e keqe kishte ndodhur. Por pas konstatimit të akisdentit është kërkuar ndërhyrja e menjëhershme e një ambulance. Për fat të keq, shpëtimi doli i padobishëm pasi i riu kishte ndërruar jetë. Goditja e makinës së tij në mur ishte aq e fortë sa shkaktoi vdekjen e tij të menjëhershme.

Dinamika e aksidentit të sotëm në Besozzo mbetet ende për t’u sqaruar. Për momentin nuk ka asnjë provë për përfshirjen e automjeteve të tjera që në një farë mënyre që mund të kishin përcaktuar aksidentin fatal. Hipotezat më të mundshme që po shqyrtohen nga policia janë përgjumja ose ndoshta përpjekja për të shmangur një kafshë në rrugë.

Pas konstatimit të rastit, trupi i pajetë i Xhemal Letija është dërguar në morgun e spitalit lokal.