Emri/ Shpërthimi i fuqishëm në Lushnje, ja kush është viktima

Roland Hoxha është personi që mbeti i vdekur nga shpërthimi në një magazinë në Lushnjë.

Shpërthimi i fuqishëm ka ndodhur këtë pasdite në magazinë e një kompanie ndërtimi.

Bilanci paraprak flet për një viktimë dhe tre persona të plagosur rëndë, mes tyre dhe deputeti socialist Bujar Çela.

Personat e plagosur, sipas burimeve mjekësore, kanë djegie të rënda dhe pritet të transportohen nga spitali i Lushnjes drejt “Traumës” në Tiranë.

Dyshimet e para për ngjarjen janë se shpërthimi ka ndodhur për shkak të kontaktit që një vinç ka pasur me linjën e tensionit të lartë.

Biznesi ku ka ndodhur ngjarja dyshohet të jetë në pronësi të deputetit, megjithatë informacionet janë paraprake.