“Erdha me të pa”/ Ironi e debate, kryebashkiaku i Kukësit: Jam shumë i bukur…

Këshilli i Bashkisë Kukës zhvilloi mbledhjen e fundit për këtë vit, ku u miratuan pikat e rendit të ditës dhe buxheti për vitin 2025. Bashkia e Kukësit do të ketë në dispozicion 1.14 miliardë euro dhe rreth 60% e buxhetit do të shkoj për pagat e punonjësve të bashkisë, ndërsa 40% e shumës do përkthehet në realizimin e investimeve në 38 vepra publike në këtë njësi.

Por edhe kjo mbledhje u shoqërua me tensione, për shkkak të taksave vendore për vitin 2025. Pika që ngjalli debate në sallë ishte ajo e taksave vendore për vitin 2025, pasi 60% të taksave vendore janë nga HEC-et në Bashkinë e Kukësit.

Fillimisht debati nisi mes këshilltarit Astrit Dobrushi dhe drejtorit të Tatimeve Përparim Guri. Dobrushi i kërkoi informacion Gurit se në cilat baza Drejtoria e Tatimeve është bazuar për të ndërtuar hartimin e taksave për vitin 2025. Por, debati vijoi mes kryebashkiakut Albert Halilaj me përfaqësuesen e një shoqate të energjisë së rinovuar.

Pjesë nga debati:

Avokatja: Të lutem zotëri, të lutem! Është shumë dominuese, ishte një taksë vendimore, që zë një vend të konsiderueshëm në buxhetin tuaj.

Kryebashkiaku: Herë tjetër, më fal, kur të vish herë tjetër….

Avokatja: Jo nuk vij herë tjetër, por erdha me të pa një herë….

Kryebashkiaku: Jam shumë i bukur…. (Të qeshura në sallën e mbledhjes).

Avokatja: Nuk kam ardhur me të pa ty. E kam shumë më të bukur atë në shtëpi unë.

Kryebashkiaku: Me sjellë statusin e shoqërisë…

Avokatja: Jemi të prezantuar me e-mail në rrugë zyrtare. Zotëri, e para, trego respekt një herë, se nuk jemi te kafja këtu edhe më shiko një çik në sy, sepse këtë lloj komunikimi nuk është i denjë të paktën për postin që mbani. Dhe nëse ti do të kesh mirësinë të dëgjosh se ka nja 30 veta këtu….

Kryebashkiaku: Më kanë votuar qytetarët e Kukësit dhe do të mbroj interesat e tyre.