Erdogan dhe Putin zhvillojnë bashkëbisedimin, diskutuan…

Presidenti turk Erdogan dhe homologu i tij rus Vladimir Putin kanë diskutuar së fundmi në një komunikim telefonik për furnizimet me grurë dhe një qendër të mundshme rajonale të gazit në Turqi.

Marrëdhëniet me Turqinë, anëtare të NATO-s, janë jetike për Rusinë në një kohë kur Perëndimi e ka goditur atë me valë sanksionesh ekonomike, të cilave Ankaraja nuk i është bashkuar.

Megjithatë, Turqia e ka kundërshtuar masën e Rusisë për të aneksuar katër rajone ukrainase si një “shkelje të rëndë” të ligjit ndërkombëtar. Ankaraja ka vepruar si ndërmjetëse me Kombet e Bashkuara për një marrëveshje që garanton eksportet e grurit si nga Ukraina ashtu edhe nga Rusia, dy nga prodhuesit më të mëdhenj në botë.

“Presidenti Erdogan shprehu dëshirën e tij të sinqertë për përfundimin e luftës Rusi-Ukrainë sa më shpejt të jetë e mundur,” tha presidenca turke të dielën.

Në telefonatën mes presidentëve, Erdogan tha se Ankaraja dhe Moska mund të fillojnë punën për eksportimin e produkteve dhe mallrave të tjera ushqimore përmes korridorit të grurit të Detit të Zi, tha zyra e presidentit turk.

Rusia i ka kërkuar Kombeve të Bashkuara të shtyjë Perëndimin të heqë disa sanksione për të siguruar që Moska të mund të eksportojë lirisht plehrat dhe produktet e saj bujqësore – një pjesë e marrëveshjes së drithit të Detit të Zi që Moska thotë se nuk është zbatuar.