Escobar dyllos Albin Kurtin/ Të gjithë kundër kryeministrit të Kosovës

Në një konferencë për media, i deleguari i Shteteve të Bashkuara të Amerikës për Ballkanin Perëndimor, Gabriel Esocbar, ka pranuar se SHBA-të kanë probleme në komunikim me kryeministrin e Kosovës, Albin Kurtin, dhe sipas tij,  nuk kanë vetëm Amerikanët, por edhe pjesa tjetër e botës perëndimore.

“Këtë problem Kosova e ka edhe me Bashkimin Europian, me NATO-n, me Britaninë e Madhe, por edhe me partnerë të tjerë, me Shqipërinë dhe Maqedoninë e Veriut. Kemi pasur një partneritet shumë të afërt me Kosovën në të kaluarën, por ne duam ta kemi këtë lidhje edhe tani siç dikur”- ka deklaruar emisari amerikan

I pyetur pse ende nuk është dërguar draft-statuti i Asociacionit për shqyrtim në Gjykatën Kushteteuse, Escobar ka potencuar se në këtë fazë është vështirë të kuptohet arsyeja.

“Ne inkurajojmë Kosovën të ecë para. Asociacioni nuk do të jetë një Republikë Srpska apo shtet brenda shtetit. Nuk ka asgjë në statut që lejon një autoritet ekzekutiv, ose fuqi ekzekutive. Kemi dëgjuar shumë arsye pse drafti s’është dërguar në Kushtetuese. Tani duhet ecur përpara, ne i refuzojmë  të gjitha justifikimet” – ka theksuae Escobar

Top-diplomati amerikan gjithashtu ndër të tjera ka potencuar se me formimin e Asociacionit do të zgjidhej edhe çështja e valutës shtetërore serbe, dhe u shpreh se Rregullorja e BQK-së ishte vendim katastrofal, pasi krijoi kaos në ekonominë e vendit

I pyetur për pasojat e mundshme ndaj Kosovës dhe Serbisë për moszbatim të Marrëveshjes së Brukselit/Ohrit, Escobar ka përmendur ngadalësimin në rrugën e integrimeve evropiane.